Lá Bailiúcháin le haghaidh Dramhaíl Chontúirteach Feirme

Beidh bailiúchán de Dhramhaíl Chontúirteach Feirme ar siúl Dé Máirt 11 Samhain ó 9.30am - 3.30pm ag Marglann Ráth Bhoth.

Glacfar saor in aisce le dramhaíl ar nós dramh-olaí agus earraí leictreacha, agus glacfar le cineálacha eile dramhaíola contúirtí, ar chostas €2 / kg, mar shampla lotnaidicídí agus bithicídí atá thar téarma, cógais tréidliachta agus dramhaíl ó chúram sláinte ainmhithe, snáthaidí, steallairí srl. Iarrtar ar fheirmeoirí an méid seo a leanas a thabhairt faoi deara;

• Caithfear gach cineál dramhaíola a bheith inaitheanta go soiléir, scartha amach óna chéile agus pacáistithe ar dhóigh nach mbíonn aon sileadh ná aon bhaol ann.

• Ní ghlacfar le dramhaíl MHEASCTHA.

• NÍ GHLACFAR le plaistigh feirme ar nós burlaí sadhlais, leasachán agus málaí beathaithe; líontán; ná coimeadáin lotnaidicídí atá sruthlaithe faoi thrí. 

• Tá gach snáthaid agus gach steallaire le tabhairt chuig na hionaid i gcoimeadáin scartha agus iad druidte go daingean.

• Íocaíocht le hairgead tirim, le seic nó le cárta. 

• Caithfidh uimhir aitheantais an tréada nó an uimhir churaíochta a bheith ag feirmeoirí. Iarrfar é seo ar an lá.

• Eiseofar admháil íocaíochta le feirmeoirí, chomh maith le teastas ar aistriú rialú dramhaíola.

Tá an lá bailiúcháin trialach seo á reáchtáil ag an GCC, Teagasc, An Roinn Talmhaíochta, Comhairle Contae Dhún na nGall, WEEE Éireann agus RIALTA Environmental Teo. Cuirfidh an bailiúchán deis iontach ar fáil d'fheirmeoirí fáil réitithe dá gcuid dramhaíl chontúirteach ar bhealach a chosnaíonn sláinte daoine, sláinte beostoic agus an timpeallacht.

Fá choinne tuilleadh eolais ar na táillí etc, déan teagmháil le Comhairle Contae Dhún na nGall ar (074) 91 53900 nó tabhair cuairt ar ár suíomh idirlín nó déan teagmháil leis an GCC ar 1890 33 55 99 nó tabhairt cuairt ar www.epa.ie.

Críoch