Maidir leis an bhriseadh isteach a tharla in Ionad Seirbhísí Poiblí Leitir Ceanainn go luath ar maidin (Dé hAoine), ba mhaith le Comhairle Contae Dhún na nGall a dheimhniú go mbeidh an oifig oscailte don phobal i rith gnáthuaireanta oibre.
Osclófar an Oifig Mótarchánach arís ar 9.15am maidin Dé Luain.
Ba mhaith le Comhairle Contae Dhún na nGall a chur in iúl nach gcoinnítear airgead ar bith in aon oifig dá cuid thar oíche, agus cé go ndearnadh rud beag damáiste mar gheall ar an eachtra seo, d’fhág na robálaithe gan aon rud ina seilbh acu.
Tháinig córais slándála na Comhairle i bhfeidhm mar atá socraithe, agus tá an eachtra á fiosrú ag na Gardaí.