Donegal County Council Logo

Sa Rannóg Seo

Baile > An Chomhairle > Na Meáin > An Lárcholún > Cruinniú na nÓg

Éirithe go maith leis an chéad Chruinniú na nÓg i nDún na nGall

Cruinniu

 

 

Ceardlann ar an Scríbhneoireacht Chruthaitheach agus an Scéalaíocht i Leabharlann Phobail Bhun Dobhráin.

 

Táthar ag rá gur éirigh thar barr le Cruinniú na nÓg i mbliana i nDún na nGall, agus na céadta páiste ó gach cearn den chontae ag freastal ar imeachtaí in sé cinn déag d’ionaid.  Is í seo an chéad bhliain de Chruinniú na nÓg, tionscnamh náisiúnta a cheiliúrann an chruthaitheacht i measc páistí agus daoine óga.

 

Seo a leanas an méid a dúirt Eileen Burgess, Bainisteoir na Seirbhísí Cultúrtha le Comhairle Contae Dhún na nGall, “bhí an t-ádh dearg orainn leis an aimsir agus bhí sé seo ina bhuntáiste mór ach go háirithe do na páistí agus na daoine óga a bhí ag freastal ar imeachtaí amuigh faoin spéir, amhail an cheardlann ar an chlog gréine mandala ag an Ionad Cultúrtha Réigiúnach agus an cheardlann ar scileanna carnabhail agus paráide ag Teach Gléibe.”

 

“Bhí sé cinn déag d’imeachtaí ar siúl i dtrí áit déag ar rud an chontae - ag na leabharlanna i mBun Dobhráin, Leitir Ceanainn, Baile na nGallóglach, Bun Cranncha, Carn Domhnach agus Na Rosa, i Músaem an Chontae, san Ionad Cultúrtha Réigiúnach, Ceathrú Ardeaglaise Leitir Ceanainn, Amharclann Balor, Iarsmalann Iarnród Dhún na nGall, An Chrannóg agus Teach Gléibe” arsa Eileen Burgess.

 

Cruinniu 2

Leabharlann Phobail Charn Domhnach

 

“Bhí páistí gnoitheach ag déanamh blasanna úra fá choinne brioscaí agus milseán ag taispeántas de chuid Jacobs sa Mhúsaem, agus thall i mBaile na nGallóglach bhí gasúr beag amháin ag ceistiú na fírinne i dtaca roinnt scéalta agus béaloideas a bhí á inse ag Joe Brennan. Sa Lárleabharlann bhí cailíní óga againn a bhí ag cleachtadh le bheith ina stiúrthóirí úra scannáin   Chuidigh an aimsir mhaith le himeachtaí amuigh faoin spéir amhail na cloig ghréine agus paráid charnabhail” a dúirt Eileen fosta.

 

“Tá muid ag tnúth le Cruinniú na nÓg an bhliain seo chugainn cheana féin (Dé Sathairn 22 Meitheamh 2019) agus idir an dá linn tá go leor imeachtaí cruthaitheacha agus cultúrtha eile ar na bacáin do pháistí agus do dhaoine óga, ar nós Féile Ealaíne an Earagail an mhí seo, Seachtain na hOidhreachta i mí Lúnasa agus Wainfest i mí Dheireadh Fómhair. Bíonn an chruthaitheacht agus an cultúr le fáil i gcontae Dhún na nGall ó thús deireadh na bliana.

Rátáil an leathanach

Déan rogha thíos

Léarscáileanna

Map Portal

  • winterweather Image
  • NWGreenway network icon
  • Donegal Tourism Logo
  • Rennet Image
  • NPPR Logo
  • Donegal Gathering Logo
  • Donegal Diaspora Logo
  • Public Art logo
  • Regional Cultural Centre logo
  • Spaceial logo
  • IrishWater
  • LEO