Donegal County Council Logo

Sa Rannóg Seo

Baile > An Chomhairle > Na Meáin > An Lárcholún > Sábháilteacht Bóthair

Bunscoileanna i mbun Sábháilteacht ar Bhóithre

 

Tá buaiteoirí an chomórtais ealaíne i dtaca le Sábháilteacht ar Bhóithre fógartha ag Cumann Sacair Chláirseacha na Finne agus Meitheal Sábháilteachta Bóthair Dhún na nGall. Chuir daltaí na Scoileanna Náisiúnta i nDún na nGall beagnach 750 saothar ealaíne den chéad scoth isteach i gcomórtas ealaíne na bliana seo. Fógrófar an príomhbhuaiteoir ag leathama le linn an chluiche idir Chláirseacha na Finne agus Cumann Sacair Chábán tSíle i bPáirc na Finne Dé hAoine 13 Márta 2015.

 

Is iad buaiteoirí na gcatagóirí –

  

Road Safety Art Lucia Doherty 380 x 269 

 

Lucia Doherty, Scoil Náisiúnta Cailíní Naomh Pádraig, Carn Domhnach.   

Road Safety Art Dylan Carlin 380 x 269

 

Dylan Carlin, S.N. Ghleann Aola, Cúil na gCuirridín.     

Road Safety Art Senan Gavigan 380 x 269

Senan Gavigan, Scoil Náisiúnta Mín Tine Dé, Ard an Rátha.  

 

Road Safety Art Mikaela McConnon 380 x 269

 Mikaela McConnon, Scoil an Linbh Íosa, Cill Ó mBaird, Baile Dhún na nGall.    

Road Safety Art Shauna Ni Gallachoir 380 x 269

Shauna Ní Ghallachóir, Scoil Náisiúnta Ghort a Choirce, Leitir Ceanainn.

 

Beidh an saothar buacach á léiriú mar mhórchlár fógraíochta ar son na Sábháilteachta Bóthair i bPáirc na Finne le linn 2015. Léiríonn na pictiúir ghalánta ar fad a fuarthas chan amháin an cumas cruthaitheach atá le fáil sna scoileanna s'againne, ach léiríonn sé go soiléir chomh maith cé chomh tiomanta agus atá na múinteoirí áitiúla s'againne chun timpeallacht a chruthú ina dtig le páistí na tallanna agus na buanna atá acu a chur in iúl.  

 

Thug Cathaoirleach Chomhairle Contae Dhún na nGall, an Comhairleoir Seán Mac Ailín ardmholadh, do na scoileanna ar fad as bheith páirteach sa chomórtas. Seo mar a labhair sé, "Ba mhaith liom comhghairdeas a dhéanamh leis na buaiteoirí ar fad agus ba mhaith liom mo bhuíochas a ghabháil leis na scoileanna ar fad as tacaíocht a thabhairt don togra seo. Bhí beagnach 750 iarratas againn agus is fianaise é seo ar an dea-obair atá ar bun sna scoileanna anseo chun tábhacht na sábháilteachta bóthair a chur chun cinn i measc na n-óg. Bhí ardchaighdeán ar fad i gceist leis na hiarratais. Is tríd an aos óg a dhéanfar na bóithre níos sábháilte san am atá romhainn."  

 

Seo mar a labhair John Campbell, Comhordaitheoir Chlár Scoileanna Chláirseacha na Finne, "Tá lúcháir ar Scoileanna Chláirseacha na Finne mar gheall ar an líon mór iarratas a fuarthas sa Chomórtas Ealaíne i dtaca le Sábháilteacht Bóthair, comórtas a reáchtáladh i gcomhar le Meitheal Sábháilteachta Bóthair Dhún na nGall. Tá méadú ar an chomórtas seo gach bliain, agus i mbliana arís, bhí beagnach 750 iarratas againn. Tá lúcháir orainn go dtig le Cláirseacha na Finne cuidiú leis an tSábháilteacht Bóthair a chur chun cinn i nDún na nGall. Tá fáilte roimh na buaiteoirí ar fad, a dtuismitheoirí agus a gcairde scoile, chuig an chéad chluiche baile den séasúr i gcoinne Chábán tSíle Dé hAoine 13 Márta, nuair a gheobhaidh buaiteoirí na gcatagóirí a gcuid duaiseanna, agus nuair a fhógrófar an príomhbhuaiteoir ar an oíche. Ba mhaith linn buíochas a ghabháil le Grace Ann Mc Garvey as an obair ar fad atá déanta aici le Clár Scoileanna Chláirseacha na Finne. Mar a tharla sna blianta roimhe seo, beidh saothar an phríomh-bhuaiteora ar taispeáint i bPáirc na Finne le linn an tséasúir atá amach romhainn i bhfoirm taispeántas 8 x 4."  

 

 

 

Rátáil an leathanach

Déan rogha thíos

Léarscáileanna

Map Portal

  • winterweather Image
  • NWGreenway network icon
  • Donegal Tourism Logo
  • Rennet Image
  • NPPR Logo
  • Donegal Gathering Logo
  • Donegal Diaspora Logo
  • Public Art logo
  • Regional Cultural Centre logo
  • Spaceial logo
  • IrishWater
  • LEO