13/01/19 Tuarascáil Roghnúcháin Roghanna do Thionscadal Feabhsúcháin Bhealach Tosaíochta TEN-T Dhún na nGall ar fáil anois.
Tá tús áite tugtha d’obair fheabhsúcháin ar thrí stráice den Ghréasán TEN-T i nDún na nGall chun dul i ngleic le fadhbanna sábháilteachta agus oibríochta. Is iad na stráicí atá i gceist ná:
Beidh an Tuarascáil Roghnúcháin ar fáil don phobal ó inniu 13ú Eanáir 2020 chomh maith le sonraí ar fhorbairt Chéim 2 (Rogha Roghnaithe) den tionscadal. Tugann an Tuarascáil na Conairí Roghnaithe d’achan stráice le fios.
Cuirfear na Conairí Roghnaithe agus an Tuarascáil Roghnúcháin ar taispeáint i dTeach an Chontae i Leifear, i ngach Ionad Seirbhísí Poiblí ar fud an chontae agus i Leabharlann Phobail na mBailte Nasctha, Srath an Urláir le linn na ngnáthuaireanta oibre. Beidh siad ar fáil le híoslódáil saor in aisce ar shuíomh idirlín TENT-T Dhún na nGall fosta. www.donegal-ten-t.ie
Caidé a tharlaíonn ansin?
Déanfar forbairt ar Dhearadh agus tabharfar faoi Mheasúnacht Tionchair Timpeallachta an dearaidh i gCéim 2 den Tionscadal.
Mar chuid d’fhorbairt leanúnach an tionscadail, déanfar suirbhéanna agus scaipfear ar fud limistéar staidéir an tionscadail iad. I measc na suirbhéanna, beidh réamhshuirbhéanna súl chomh maith le himscrúduithe talaimh. Beifear i dteagmháil leis na húinéirí talaimh roimh na suirbhéanna chun socruithe a dhéanamh maidir le cead isteach.
Rachaidh Foireann Idirchaidrimh Thalaimh TEN-T atá lonnaithe in Oifig na mBóithre Náisiúnta Chomhairle Contae Dhún na nGall, i dteagmháil leis na húinéirí talaimh/tí a mbaineann an tionscadal seo leo. Beidh foireann an tionscadail agus/nó na hOifigigh Idirchaidrimh Phoiblí ar fáil chun plé a dhéanamh ar aon deacracht/ceist atá ag úinéirí tí/talaimh ag staid ar bith den tionscadail.
Tuilleadh eolais le fáil ag www.donegal-ten-t.ie