Date: 12 Lún 2025
Glasbhealach An Carraigín go Leifear - Comhairliúchán Poiblí 3
Tugann Comhairle Contae Dhún na nGall, le tacaíocht ó Bhonneagar Iompair Éireann, cuireadh do dhaoine a bhfuil cónaí orthu sa cheantar, don phobal i gcoitinne agus do pháirtithe ar spéis leo an t-ábhar, páirt a ghlacadh sa tríú comhairliúchán poiblí neamhreachtúil ar an Chonair Bhealaigh is Dealraithí a Roghnófar do Ghlasbhealach An Carraigín go Leifear.
Tá sé mar aidhm ag an Chonair Bhealaigh is Dealraithí a Roghnófar, cosán tarraingteach a sholáthar idir teorainn an Charraigín agus teorainn Leifir i gContae Dhún na nGall, ar mhaithe le caitheamh aimsire a chur ar fáil do choisithe, do rothaithe agus do dhaoine a bhfuil a soghluaisteacht teoranta. Ní hamháin go gcuirfeadh an Glasbhealach caitheamh aimsire iontach agus tacaíocht shóisialta ar fáil do phobail áitiúla ach chuirfeadh sé naisc thábhachtacha thrasteorann ar fáil a fhad le Doire agus An Srath Bán trí Líonra Glasbhealaigh an Iarthuaiscirt agus, amach anseo, tríd an Líonra Glasbhealaigh atá beartaithe in Inis Eoghain. Mheallfadh an Glasbhealach idir chuairteoirí baile agus turasóirí idirnáisiúnta go dtí an ceantar, rud a rachadh chun tairbhe dóibh sin atá lonnaithe ar an chonair bhealaigh, ar bhonn sóisialta agus eacnamaíochta. Chomh maith leis sin, d’fhéadfadh sí a bheith ina conair luachmhar ina gcuirfí rogha shábháilte, inbhuanaithe agus fholláin ar fáil dóibh sin a mbainfeadh úsáid aisti.
Faoi lathair, tá Céim 2: Roghnú Roghanna beagnach críochnaithe. Reáchtáladh an dara comhairliúchán poiblí neamhreachtúil i mí na Samhna 2024 agus cuireadh na roghanna don chonair bhealaigh a aithníodh i láthair, i ndiaidh don Réamh-Mheasúnú Roghanna a bheith curtha i gcrích. Bhí na roghanna seo ag brath ar mheasúnú mionsonraithe eile de réir Lámhleabhar ar Ghlasbhealaí de chuid Bainisteoir Tionscadail BIÉ, de réir Treoirlínte BIÉ maidir le Meastóireacht Tionscadail agus de réir Creat Meastóireachta Iompair na Roinne Iompair agus aithníodh an Chonair Bhealaigh is Dealraithí a Roghnófar dá bharr. Meastar, ar an iomlán, go roghnófar an Chonair Bhealaigh is Dealraithí de bharr a feidhmíochta agus go dtacóidh sí le cuspóirí agus le critéar meastóireachta an tionscadail.
Is é cuspóir an tríú comhairliúchán poiblí neamhreachtúil seo ná an pobal a chur ar an eolas faoin Chonair Bhealaigh is Dealraithí a Roghnófar agus a n-aiseolas a iarraidh.
Beidh dhá chomhairliúchán poiblí pearsanta ar siúl i mBaile Suingean agus i Leifear ar na dátaí seo a leanas:
• Dé Luain 18 Lúnasa 2025: 14:00 – 20:00
Ionad Acmhainní Teaghlaigh Bhaile Suingean agus an Charraigín, Bóthar an tSéipéil, Baile Suingean, F93 VHK7
• Dé Máirt 19 Lúnasa 2025: 14:00 – 20:00
Seanteach na Cúirte, An Diamant, Leifear, F93 CD6F.
Beidh baill d’fhoireann an tionscadail ar fáil chun aon cheist nó imní a bhaineann leis an tionscadal a phlé.
Tar éis na gcomhairliúchán pearsanta a thabhairt chun críche, cuirfear taispeántais phoiblí ar fáil ar feadh coicíse go dtí an Aoine, 5 Meán Fómhair 2025 ag an suíomh seo a leanas:
• Comhairle Contae Dhún na nGall, Áras an Chontae, Leifear F93 Y622.
Uaireanta oscailte 09:00 – 16.30 (Dé Luain – Dé hAoine).
Le haghaidh eolas breise faoin tionscadal, nó chun foirm aiseolais a líonadh isteach ar líne, téigh chuig an suíomh gréasáin seo a bhaineann leis an tionscadal: carrigansliffordgreenway.ie/ga/ Beidh eolas le fáil ar líne ón Luan 18 Lúnasa 2025. Glacfar le haighneachtaí go dtí an Aoine 5 Meán Fómhair 2025.
I gcás aon bhall den phobal nach féidir leo freastal ar na himeachtaí, beidh seomra comhairliúcháin fíorúil ar fáil ar shuíomh gréasáin an tionscadail ina mbeidh an t-eolas ábhartha uilig agus léarscáiliú idirghníomhach.
Is féidir teagmháil a dhéanamh leis an fhoireann tionscadail trí ríomhphost a sheoladh chuig carrigansliffordgreenway@aecom.com nó tríd an phost chuig Tionscadail Caipitil Glasbhealaí, Comhairle Contae Dhún na nGall, Áras an Chontae, Leifear, Co. Dhún na nGall, F93 Y622.
