An Chomhairle ag Réiteach Pleananna Nua Ceantar don Chlochán Liath, Béal Átha Seanaidh, Ceann Droichid, Carn Domhnach, Baile Dhún na nGall agus na Cealla Beaga

Pleanáil

An Chomhairle ag Réiteach Pleananna Nua Ceantar don Chlochán Liath, Béal Átha Seanaidh, Ceann Droichid, Carn Domhnach, Baile Dhún na nGall agus na Cealla Beaga

Tá Comhairle Contae Dhún na nGall i ndiaidh tosú a ullmhú pleananna nua ceantar don Chlochán Liath, Béal Átha Seanaidh, Ceann Droichid, Carn Domhnach, Baile Dhún na nGall agus na Cealla Beaga. 

Leagfaidh na Pleananna Ceantair nua amach réimse beartas, cuspóirí agus creat forbartha spásúil do na bailte seo mar thaca le soláthar tithe, athbheochan a dhéanamh ar lár bailte, réitigh iompair/gluaisteacht inbhuanaithe a chur ar fáil, tacú le fás na fostaíochta, saoráidí nua pobail a chur ar fáil, an oidhreacht thógtha agus nádúrtha chosaint, agus cuidiú le maolúchán agus oiriúnúchán aeráide. Tiocfaidh na pleananna ceantair seo in áit na bpleananna atá sa Phlean Ceantar Áitiúil don Seacht mBaile Straitéiseach 2018-2024. 

I láthair na huaire tá na pleananna ag an chéim réamhdhréachtach agus is ríthábhachtach go mbeidh ionchur ag an phobal iontu.

Is tábhachtach a thabhairt faoi deara go bhfuil na Pleananna Ceantair á réiteach mar chuid d’athrú níos leithne atáthar a mholadh ar an Phlean Forbartha Contae 2024-2030, a bhfuil na cuspóirí seo a leanas aige chomh maith:

• Criosú láthair NR2.16 a leasú ag Cnoc an Choiligh, Bun Cranncha – ó ‘Céim 2 Cónaí Nua’ to ‘Céim 1 Cónaí Nua’.
• Criosú úsáide talún a leasú de bhun aighneachtaí úinéirí talún a bhaineann le Cáin Talaimh Criosaithe Cónaí (RZLT), nuair is cuí, sna bailte bainteacha ar fud Dhún na nGall. 

Mar sin tá an Chomhairle ag tabhairt faoi chomhairliúchán poiblí réamhdhréachtach idir an 7ú agus an 28ú Feabhra 2025, ina mbeidh cead cainte ag an phobal maidir leis na Pleananna Ceantair Nua agus an t-athchriosú molta i gCnoc an Choiligh, Bun Cranncha, ach freastal ar na himeachtaí buail isteach a leanas agus aighneachtaí scríofa a dhéanamh.  Tá tuilleadh eolais faoi pháirt a ghlacadh ar fáil ag https://consult.donegal.ie/en/consultation/pre-draft-public-consultation-proposed-variation-no-1-county-donegal-development-plan-2024-2030

 Imeachtaí Buail Isteach don Phobal

 Tig le húinéirí talún iarratais athchriosaithe a bhaineann le Cáin Talún Criosaithe Cónaí a dhéanamh faoin 1ú Aibreán 2025. Féach https://consult.donegal.ie/en/consultation/publication-final-residential-zoned-land-tax-map-2025-and-publication-draft-residential-zoned-land áit a bhfuil tuilleadh mionsonraí ar fáil faoi sin. 

To save this webpage as a PDF, select ‘Save as PDF’ from the Destination drop down and save.