Date: 17 Ean 2025
Tá táblaí atá fóirsteanach do chathaoireacha rothaí ar fáil anois i gcúig leabharlann ar fud Dhún na nGall
Tá cúig thábla inchoigeartaithe airde ceannaithe ag Seirbhís Leabharlainne Chontae Dhún na nGall a bhuí le Ciste na gCuntas Díomhaoin. Tá na táblaí seo ar fáil i Lárleabharlann Leitir Ceanainn, Leabharlann Phobail Bhun Cranncha, Leabharlann Phobail an Dá Bhaile, Leabharlann Phobail Bhaile na nGallóglach agus Leabharlann Phobail Ghaoth Dobhair.
Tá na táblaí inchoigeartaithe airde uilíoch ó thaobh úsáide de, agus is féidir le húsáideoirí cathaoireacha rothaí, daoine faoi mhíchumas neamhfhollasach agus tuismitheoirí agus cúramóirí a bhfuil naíonáin óga acu i bpramanna iad a úsáid. Tá siad iontach le haghaidh staidéir, obair ghrúpa nó i gcomhar lenár Tovertafel.
Tá fáilte roimh chách bualadh isteach chuig aon cheann de na craobhacha thuasluaite agus tuilleadh eolais a iarradh ar an fhoireann. Moltar do ghrúpaí teagmháil a dhéanamh leis an bhrainse is fearr leo chun cuairt agus taispeántas a eagrú.
Cuireann na háiseanna breise seo lenár n-acmhainní atá ag dul i méid chun tacú le cuimsiú pobail. Amharc ar a bhfuil ar fáil againn ar donegallibrary.ie
Tá ballraíocht saor in aisce agus bíonn rochtain ar réimse mór acmhainní saor in aisce i do leabharlann áitiúil. Níl aon táillí le híoc má bhíonn tú déanach agus is féidir an chéad leabhar eile a chur in áirithe ó chompord do thí féin agus cuirfidh do leabharlann áitiúil ar an eolas thú nuair a bheidh sé réidh le bailiú. Tá go leor áiseanna ar líne saor in aisce ag Seirbhís Leabharlainne Chontae Dhún na nGall fosta, cosúil le ríomhleabhair, ríomh-chlosleabhair, ríomhirisí, ríomhnuachtáin, acmhainní foghlama agus taighde ar líne.
Chun níos mó eolais a fháil faoina bhfuil ag tarlú i do leabharlann áitiúil, amharc ar https://www.donegallibrary.ie/photoslider/nationalpubliclibraryopenday/ nó lean Seirbhís Leabharlainne Chontae Dhún na nGall ar Facebook @DonegalCountyLibrary nó Instagram ar @donegallibrary.
