Mela Dhún na nGall ar siúl arís: Cultúr na hIndia á cheiliúradh i gcroílár Dhún na nGall

Pobal

Mela Dhún na nGall ar siúl arís: Cultúr na hIndia á cheiliúradh i gcroílár Dhún na nGall

Beidh Mela Dhún na nGall á reáchtáil ag Ionad Pobail Indiach Leitir Ceanainn don dara bliain as a chéile ar an Satharn, 23 Lúnasa 2025 idir 1 PM agus 5 PM. Beidh sé ar siúl sa spás poiblí taobh amuigh d’Amharclann an Ghrianáin, Leitir Ceanainn. Is imeacht sultmhar é seo ina ndéantar ceiliúradh ar chultúr na hIndia agus ar chultúr an domhain, ina mbeidh léirithe beo, ceardlanna, gníomhaíochtaí do pháistí agus seastáin le hearraí ceardaíochta – beidh rud inteacht ann do chách.

Is féidir tabhairt faoi cheardlanna ar dhamhsa Bollywood agus Clasaiceach, beidh faisean traidisiúnta Indiach ar taispeáint agus imreofar cluichí spraíúla ar nós ollchluiche Jenga, cluiche scidilí agus cluiche Ceangail 4. Bainfidh páistí sult as péinteáil aghaidheanna, stáisiúin ealaíne agus both grianghraf agus is féidir le daoine fásta patrúin hine a thriail.

Déanfar an India a cheiliúradh le léirithe beo idir cheol agus damhsa ó dhaoine áitiúla agus uatha sin atá ar cuairt. Tá Mela Dhún na nGall mar chuid de Straitéis Chuimsitheach Eiticiúil na Comhairle a bhaineann le Daoine Gorma agus Grúpaí Mionlaigh; straitéis a chuireann aontacht agus éagsúlacht chun cinn sa réigiún.

Tá an t-imeacht á eagrú ag Ionad Pobail Indiach Leitir Ceanainn le tacaíocht ó Chomhairle Contae Dhún na nGall agus Amharclann an Ghrianáin. Is tráthnóna do theaghlaigh é seo chomh maith a dhéanfaidh ceiliúradh ar chultúr agus ar phobal.

Saorchead isteach. Fáilte roimh chách!

letterkennyindians.ie

To save this webpage as a PDF, select ‘Save as PDF’ from the Destination drop down and save.