Skip to main content

June

Oscailt Oifigiúil Thionscadal Athghiniúna na gCealla Beaga 2040

Date: 30 Meith 2025

Forbairt Eacnamaíochta

Oscailt Oifigiúil Thionscadal Athghiniúna na gCealla Beaga 2040

An Clr Niamh Kennedy, Cathaoirleach Chomhairle Contae Dhún na nGall a d’oscail Tionscadal Athghiniúna Lár Bailte do Na Cealla Beaga go hoifigiúil Dé hAoine seo a chuaigh thart. Ina cuideachta tá Charlie McConalogue TD, John G. McLaughlin, Príomh-Fheidhmeannach Chomhairle Contae Dhún na nGall, an Seanadóir Manus Boyle, Oifigigh na Comhairle, Foireann agus Páirtithe Leasmhara. Grianghraf le Gerard McHugh.
An Clr Niamh Kennedy, Cathaoirleach Chomhairle Contae Dhún na nGall a d’oscail Tionscadal Athghiniúna Lár Bailte do Na Cealla Beaga go hoifigiúil Dé hAoine seo a chuaigh thart. Ina cuideachta tá Charlie McConalogue TD, John G. McLaughlin, Príomh-Fheidhmeannach Chomhairle Contae Dhún na nGall, an Seanadóir Manus Boyle, Oifigigh na Comhairle, Foireann agus Páirtithe Leasmhara. Grianghraf le Gerard McHugh.

D’oscail an Clr Niamh Kennedy, Cathaoirleach Chomhairle Contae Dhún na nGall, i gcuideachta Charlie McConalogue TD, an tAire Stáit um Spórt agus Beartas Poist, Tionscadal Athghiniúna na gCealla Beaga 2040 go hoifigiúil ar an Aoine 27 Meitheamh 2025.

Mar chuid de Thionscadal Athghiniúna na gCealla Beaga 2040, tá athghiniúint le déanamh ar Theach an Oileáin, maoin atá tréigthe agus suite ar Bhóthar an Chladaigh, Na Cealla Beaga chun ionad eolais agus ionad fáiltithe do thurasóirí a fhorbairt, chomh maith le háiseanna poiblí agus spás oifige a chur ar fáil; agus tá athbheochan le déanamh ar réimse poiblí sa Diamant, ar an Phríomhshráid agus ar Bhóthar na Trá, Na Cealla Beaga. Tá an scéim á cómhaoiniú ag an Roinn Forbartha Tuaithe agus Pobail agus Gaeltachta faoin Chiste Athghiniúna agus Forbartha Tuaithe (CAFT) agus ag Comhairle Contae Dhún na nGall.

Dúirt an Clr Niamh Kennedy, Cathaoirleach Chomhairle Contae Dhún na nGall an méid seo ag an oscailt oifigiúil:

“Bhí go leor oibre i gceist leis an tionscadal seo ón bhunsmaoineamh go bunú an tionscadail ach b’obair thorthúil í. Gabhaim buíochas le go leor daoine, idir lucht smaointe agus lucht pleanála agus deartha, as tionscasdal lár bailte a fhorbairt a bhainfidh an pobal agus cuairteoirí sult as amach anseo. Tá mé thar a bheith bródúil as an tionscadal seo a bhaineann le mo bhaile dúchais, agus is infheistíocht ollmhór don todhchaí é an foirgneamh seo agus lár an bhaile. Bheadh aon bhaile eile sa tír bródúil as a leithéid de lár baile.” 

Ag labhairt dó ag an ócáid, dúirt an tAire Stáit um Spórt agus Beartas Poist, Charlie McConalogue:

“Tá áthas orm Tionscadal Athghiniúna na gCealla Beaga 2040 a oscailt go hoifigiúil. Le tacaíocht de bhreis is €4 milliún ón Chiste Athghiniúna agus Forbartha Tuaithe, tá foirgneamh Theach an Oileáin agus spás cathartha sa Diamant sna Cealla Beaga in úsáid arís mar thoradh ar an tionscadal bunathraitheach seo, agus is croílár nua eacnamaíoch agus sóisialta an bhaile anois é.

Seo croílár an CAFT – ag dul i ngleic le foirgnimh atá folamh agus tréigthe agus beatha nua a chothú i lár ár mbailte tuaithe, ag cruthú deiseanna le haghaidh tuilleadh fáis agus forbartha.”

Rinne Ailtirí McCabe, Baile Dhún na nGall an scéim a dhearadh agus ba chomhlacht tógála McDermott & Trearty Teoranta, Leitir Ceanainn a rinne an obair thógála.


To save this webpage as a PDF, select ‘Save as PDF’ from the Destination drop down and save.

Nuacht Gaolmhar

Image text description

Date: 30 Iúil 2025

#DúnnanGallAbú á cheiliúradh ar an 10 Meán Fómhair 2025

Déanfar ceiliúradh ar #DúnnanGallAbú i mbliana ar an Chéadaoin 10 Meán Fómhair 2025. Is é seo an séú bliain as a chéile den fheachtas seo a bheith ar siúl agus tá spéis mhór léirithe ann go dtí seo. Tugtar cuireadh do dhaoine as gach cearn den domhan ceangal a chothú le Dún na nGall agus ceiliúradh a dhéanamh ar na rudaí speisialta a bhaineann leis an Chontae — áilleacht tírdhreacha, oidhreacht shaibhir chultúrtha, pobail bheo bhríomhara, an nuálaíocht agus céad mílte fáilte i gcónaí.

Image text description

Date: 22 Iúil 2025

Buaiteoirí Ghradaim Diaspóra Éireannacha Tip O'Neill Fógartha

D’fhógair Cathaoirleach Chomhairle Contae Dhún na nGall, an Clr Paul Canning, buaiteoirí Ghradaim Diaspóra Éireannacha Tip O’Neill 2025 an tseachtain seo agus a bhronnfar ar an Aoine, 17 Deireadh Fómhair in Óstán Gateway Inis Eoghain, Bun Cranncha. Tugann na gradaim chlúiteacha seo aitheantas do bhaill de Diaspóra na hÉireann ar fud an domhain a thug seirbhís agus ar éirigh leo éachtaí a bhaint amach ach a choinnigh nasc láidir lena bhfréamhacha in Éirinn.

Image text description

Date: 15 Iúil 2025

Cuairt tugtha ag Toscairí Eorapacha ar Dhún na nGall do Chomhdháil ar Hidrigin Ghlas

Thug toscairí ó 10 dtír san Eoraip cuairt ar Bhaile Dhún na nGall an tseachtain seo a chuaigh thart do Chomhdháil ar Hiodra Glas de chuid Interreg na hEorpa.

Uaireanta Oscailte

Mótarcháin 9.15rn - 12.15in, agus 1.15in - 3in (Dé Máirt agus Déardaoin)