Skip to main content

March

Scéalaithe Frances Browne – Ag Amharc Tríd: Ceiliúradh ar Scéalaíocht le Daoine a bhfuil Lagú Amhairc Orthu

Date: 05 Márta 2025

Cultúr

Scéalaithe Frances Browne – Ag Amharc Tríd: Ceiliúradh ar Scéalaíocht le Daoine a bhfuil Lagú Amhairc Orthu

Tá Seirbhís Leabharlainne Chontae Dhún na nGall agus Féile Liteartha Frances Browne ag tabhairt cuireadh do scéalaithe dalla agus lagamhairc, a bhfuil cónaí orthu in Éirinn, páirt a ghlacadh agus píosaí a chur isteach lena gcur san áireamh i ndíolaim dhigiteach a sheolfar san fhómhar, agus a mhaoineoidh Éire Ildánach. Tá súil againn bailiúchán eicléictiúil saothar a chruthú ina mbeidh gach seánra scríbhneoireachta: ó scéalta simplí go liricí amhráin, ó fhilíocht ó bhéal go neamhfhicsean den saol.

Is féidir le haighneachtaí:

  • spreagadh a fháil ó shaol agus ó shaothar Frances Browne
  • léargas a thabhairt ar thaithí saoil na scéalaithe
  • tarraingt ó shamhlaíocht na scéalaithe
  • Is féidir le haighneachtaí a bheith ina meascán bunaidh de na trí cinn fosta!

Beidh seisiúin eolais ar líne ar fáil chun scríbhneoirí dalla agus lagamhairc a chur in aithne do scéal saoil agus corpas oibre Frances Browne, chun forléargas a thabhairt ar stíleanna éagsúla scríbhneoireachta cruthaithí agus chun leideanna a thabhairt maidir le cleachtas scríbhneoireachta a bhunú. Beidh éascaitheoir an tionscadail ar fáil fosta ar ríomhphost, le linn fhuinneog na n-aighneachtaí, chun freagra a thabhairt ar cheisteanna.

Na príomhdhátaí

Dátaí na seisiún eolais ar líne:

  • Dé Luain 10 Márta 7pm
  • Dé Luain 24 Márta 7pm
  • Dé Luain 31 Márta 7pm

Ní gá do dhaoine ar spéis leo é freastal ach ar sheisiún faisnéise amháin ó na dátaí atá ar fáil.

Fuinneog na n-aighneachtaí:

Oscailte: Dé Luain 3 Márta

Dúnta: Dé Domhnaigh 31 Lúnasa

Seoladh na Díolama:

Tabharfar cuireadh do scríbhneoirí a bhfuil a saothar san áireamh sa díolaim teacht chuig a seoladh le linn Fhéile Liteartha Frances Browne i mí Dheireadh Fómhair i Srath an Urláir, Co. Dhún na nGall.

Beidh inrochtaineacht mar phríomhthosaíocht agus an díolaim dhigiteach á déanamh

Déanfar iniúchadh freisin ar leagan clóite den díolaim a tháirgeadh

Cuirtear fáilte roimh aighneachtaí ó scríbhneoirí aonair. Féachfaimid le píosa oibre amháin ar a laghad ó gach scéalaí a chur san áireamh ach beidh an eagarthóireacht faoi smacht ag eagraithe an tionscadail.

Chun tuilleadh eolais a fháil faoin tionscadal agus chun clárú le haghaidh seisiún eolais, seol ríomhphost chuig Francesbrownestorytellers@outlook.com


To save this webpage as a PDF, select ‘Save as PDF’ from the Destination drop down and save.

Nuacht Gaolmhar

Image text description

Date: 28 Lún 2025

Ceiliúradh lán dathanna agus spraoi ag Mela Dhún na nGall i Leitir Ceanainn

B’iontach an lá a bhí taobh amuigh d’Amharclann an Ghrianáin, Leitir Ceanainn Dé Sathairn seo a chuaigh thart nuair a bhí Mela Dhún na nGall ar siúl don dara bliain as a chéile. Ó thus an tráthnóna bhí an áit lán le ceol, le boladh breá an bhia as fud fad na cruinne agus le buillí na ndamhsaí traidisiúnta, fíorcheiliúradh cultúrtha agus pobail.

Image text description

Date: 21 Lún 2025

Glac 5 – Cleachtóir Cónaithe Cultúir & Cruthaitheachta – Gairm Oscailte – Dún na nGall

Tá Comhairle Contae Dhún na nGall, in éineacht le Cur Chun Cinn agus Feabhsú na Sláinte de chuid FSS, Limistéar Cúraim Sláinte Comhtháite, Dún na nGall, ar lorg Painéal Cleachtóirí a bhfuil taithí acu don chlár Glac 5 – Sláinte agus Folláine Chruthaitheach an Oileáin Chomhroinnte – le bheith ag obair le pobail i gContae Dhún na nGall.

Image text description

Date: 13 Lún 2025

Ár mBunús le Fiosrú le linn Sheachtain na hOidheachta

Le breis is 100 imeacht ar siúl mar chuid de Sheachtain Náisiúnta na hOidhreachta i gContae Dhún na nGall, is deis iontach í seo do dhaoine an oidhreacht - idir nádúrtha, thógtha, chultúrtha agus seandálaíochta atá mórthimpeall orainn a fhiosrú. Beidh Seachtain Náisiúnta na hOidhreachta ar siúl idir an Satharn 16 Lúnasa agus an Domhnach 24 Lúnasa agus tá saorchead isteach ag formhór na n-imeachtaí. Tá clár iomlán na n-imeachtaí ar fáil ar líne ag www.heritageweek.ie

Uaireanta Oscailte

Mótarcháin 9.15rn - 12.15in, agus 1.15in - 3in (Dé Máirt agus Déardaoin)