Skip to main content

May

An mála 'Mo Mhála Leabharlainne Beag' ar fáil saor in aisce ó leabharlanna áitiúla do gach páiste atá ag tosú ar scoil

Date: 19 Beal 2025

Cultúr

An mála 'Mo Mhála Leabharlainne Beag' ar fáil saor in aisce ó leabharlanna áitiúla do gach páiste atá ag tosú ar scoil

Tá cuireadh á thabhairt do gach páiste atá ag tosú ar scoil i mí Mheán Fómhair seo cuairt a thabhairt ar a leabharlann áitiúil nó Ionad Taobh Tíre le mála leabhar beag a fháil agus le ballraíocht a ghlacadh sa leabharlann mura bhfuil siad ina mbaill cheana féin. Tá na málaí leabhar ar fáil i nGaeilge agus i mBéarla. Tá fáilte roimh gach teaghlach a bheith ina mbaill den leabharlann fosta mura bhfuil siad ina mbaill cheana féin.

Go náisiúnta, táthar ag súil go dtógfaidh na mílte agus na mílte teaghlach na málaí leabhar leo agus go nglacfaidh siad ballraíocht ina leabharlann áitiúil mar chuid den togra 'Mo Leabharlann Bheag'. Ó cuireadh tús leis an togra, tá ballraíocht glactha ag breis agus 20,000 páiste, idir 4-5 bliana d’aois ina leabharlann áitiúil.

Tacaíonn na leabhair agus na hacmhainní sa mhála leabhar le tuismitheoirí agus lena bpáistí atá ag aistriú go dtí an bhunscoil.

Ag labhairt di ag seoladh an togra i nDún na nGall, dúirt Cathaoirleach Chomhairle Contae Dhún na nGall, an Comhairleoir Niamh Kennedy, “Is bealach iontach é an togra 'Mo Leabharlann Bheag' chun tacaíocht a thabhairt do na foghlaimeoirí is óige atá againn agus iad ag leanúint ar aghaidh lena n-aistear oideachais sa bhunscoil. Trí leabhair agus acmhainní saor in aisce a thabhairt do gach páiste atá ag tosú ar scoil, ní hamháin go bhfuil muid ag spreagadh grá don léitheoireacht ach tá muid ag leagadh dúshraith láidir ó thaobh na foghlama de a fhanfaidh leis an pháiste ar feadh a saoil. Tá lúcháir orm a fheiceáil go bhfuil na leabharlanna áitiúla agus ionaid Taobh Tíre uilig i nDún na nGall ag teacht le chéile chun tacú le teaghlaigh ar an dóigh seo.”

Tá 'Mo Leabharlann Bheag' á reáchtáil i gcomhar leis an Ghníomhaireacht Bainistíochta Rialtais Áitiúil agus á chur i bhfeidhm ag údaráis áitiúla. Is comhoibriú é idir an Roinn Leanaí, Míchumais agus Comhionannais, an Roinn Forbartha Tuaithe agus Pobail, agus Rialtas Áitiúil Éireann.

Le tuilleadh eolais a fháil agus le do mhála leabhar a fháil, buail isteach chuig do leabharlann áitiúil nó déan teagmháil le Seirbhís Leabharlainne Dhún na nGall-

  • Tabhair cuairt ar donegallibrary.ie
  • Lean muid ar Facebook: @DonegalCountyLibrary
  • Lean muid ar Instagram: @donegallibrary

To save this webpage as a PDF, select ‘Save as PDF’ from the Destination drop down and save.

Nuacht Gaolmhar

Image text description

Date: 28 Lún 2025

Ceiliúradh lán dathanna agus spraoi ag Mela Dhún na nGall i Leitir Ceanainn

B’iontach an lá a bhí taobh amuigh d’Amharclann an Ghrianáin, Leitir Ceanainn Dé Sathairn seo a chuaigh thart nuair a bhí Mela Dhún na nGall ar siúl don dara bliain as a chéile. Ó thus an tráthnóna bhí an áit lán le ceol, le boladh breá an bhia as fud fad na cruinne agus le buillí na ndamhsaí traidisiúnta, fíorcheiliúradh cultúrtha agus pobail.

Image text description

Date: 21 Lún 2025

Glac 5 – Cleachtóir Cónaithe Cultúir & Cruthaitheachta – Gairm Oscailte – Dún na nGall

Tá Comhairle Contae Dhún na nGall, in éineacht le Cur Chun Cinn agus Feabhsú na Sláinte de chuid FSS, Limistéar Cúraim Sláinte Comhtháite, Dún na nGall, ar lorg Painéal Cleachtóirí a bhfuil taithí acu don chlár Glac 5 – Sláinte agus Folláine Chruthaitheach an Oileáin Chomhroinnte – le bheith ag obair le pobail i gContae Dhún na nGall.

Image text description

Date: 13 Lún 2025

Ár mBunús le Fiosrú le linn Sheachtain na hOidheachta

Le breis is 100 imeacht ar siúl mar chuid de Sheachtain Náisiúnta na hOidhreachta i gContae Dhún na nGall, is deis iontach í seo do dhaoine an oidhreacht - idir nádúrtha, thógtha, chultúrtha agus seandálaíochta atá mórthimpeall orainn a fhiosrú. Beidh Seachtain Náisiúnta na hOidhreachta ar siúl idir an Satharn 16 Lúnasa agus an Domhnach 24 Lúnasa agus tá saorchead isteach ag formhór na n-imeachtaí. Tá clár iomlán na n-imeachtaí ar fáil ar líne ag www.heritageweek.ie

Uaireanta Oscailte

Mótarcháin 9.15rn - 12.15in, agus 1.15in - 3in (Dé Máirt agus Déardaoin)