Skip to main content

May

Féile Chomórtha ar Niall Mac Giolla Bhrighde

Date: 13 Beal 2025

Cultúr

Féile Chomórtha ar Niall Mac Giolla Bhrighde

Beidh Féile Chomórtha ar Niall Mac Giolla Bhrighde ar siúl ar an Chraoslach idir 16-18 Bealtaine.

Feirmeoir, file, údar, agus scríbhneoir amhrán a bhí i Niall Mac Giolla Bhrighde a raibh cónaí air ar an Fhaiche Mhór, An Craoslach idir 1861 agus 1942. 

I mí Márta 1905, bhain sé clú agus cáil amach as agóid a rinne sé in aghaidh fíneáil a gearradh air de bharr a ainm a bheith scríofa i nGaeilge aige ar a chairt. Ba é Pádraig Mac Piarais a sheasaigh an fód dó mar abhcóide sa chás. Dúradh gur seo an t-aon chás amháin ar sheasaigh Mac Piarais mar abhcóide ann agus cé gur cailleadh an cás, chuir sé faobhar leis an ghluaiseacht náisiúnta i dtreo na Gaeilge.

In alt a scríobh Mac Piarais do An Claidheamh Soluis, dúirt sé: “... It was in effect decided that the Irish is a foreign language on the same level with Yiddish…”

Déanfaidh an Dochtúir Seosamh Ó Ceallaigh an oscailt oifigiúil sa Hub ar an Chraoslach, ar an Aoine 16 Bealtaine ag a 7in. Beidh sceitse drámaíochta dar teideal ‘An Sceitse nár Scríobhadh’ le haisteoirí Ghaoth Dobhair á léiriú i ndiaidh an tseolta.  

Beidh Oíche Shiamsaíochta ar siúl sa Hub ar an Chraoslach ón 6.30in Dé Sathairn 17 Bealtaine. Taispeánfar an scannán ‘An Trucailín Donn’ ar an oíche fosta.

Ar an Domhnach 18 Bealtaine, beidh óráid á tabhairt ag imeall uaigh Néill Mhic Ghiolla Bhrighde i Reilig na dTuath. Beidh bannaí ceoil Dhuibhleann Riach agus an Chraoslaigh i láthair. Ba mhór dúinn dá mbeadh an pobal i láthair ag ócáidí an deireadh seachtaine. 

Tá an fhéile á reáchtáil ag Comhairle Contae Dhún na nGall i gcomhar le Cumann Pobail an Chraoslaigh agus LPT Thuaisceart Dhún na nGall. Chuir an Clár Éire Ildánach maoiniú ar fáil don togra seo. 

Tuilleadh eolais ó lpttuaisceartdnag@gmail.com nó 083 8127294


To save this webpage as a PDF, select ‘Save as PDF’ from the Destination drop down and save.

Nuacht Gaolmhar

Image text description

Date: 28 Lún 2025

Ceiliúradh lán dathanna agus spraoi ag Mela Dhún na nGall i Leitir Ceanainn

B’iontach an lá a bhí taobh amuigh d’Amharclann an Ghrianáin, Leitir Ceanainn Dé Sathairn seo a chuaigh thart nuair a bhí Mela Dhún na nGall ar siúl don dara bliain as a chéile. Ó thus an tráthnóna bhí an áit lán le ceol, le boladh breá an bhia as fud fad na cruinne agus le buillí na ndamhsaí traidisiúnta, fíorcheiliúradh cultúrtha agus pobail.

Image text description

Date: 21 Lún 2025

Glac 5 – Cleachtóir Cónaithe Cultúir & Cruthaitheachta – Gairm Oscailte – Dún na nGall

Tá Comhairle Contae Dhún na nGall, in éineacht le Cur Chun Cinn agus Feabhsú na Sláinte de chuid FSS, Limistéar Cúraim Sláinte Comhtháite, Dún na nGall, ar lorg Painéal Cleachtóirí a bhfuil taithí acu don chlár Glac 5 – Sláinte agus Folláine Chruthaitheach an Oileáin Chomhroinnte – le bheith ag obair le pobail i gContae Dhún na nGall.

Image text description

Date: 13 Lún 2025

Ár mBunús le Fiosrú le linn Sheachtain na hOidheachta

Le breis is 100 imeacht ar siúl mar chuid de Sheachtain Náisiúnta na hOidhreachta i gContae Dhún na nGall, is deis iontach í seo do dhaoine an oidhreacht - idir nádúrtha, thógtha, chultúrtha agus seandálaíochta atá mórthimpeall orainn a fhiosrú. Beidh Seachtain Náisiúnta na hOidhreachta ar siúl idir an Satharn 16 Lúnasa agus an Domhnach 24 Lúnasa agus tá saorchead isteach ag formhór na n-imeachtaí. Tá clár iomlán na n-imeachtaí ar fáil ar líne ag www.heritageweek.ie

Uaireanta Oscailte

Mótarcháin 9.15rn - 12.15in, agus 1.15in - 3in (Dé Máirt agus Déardaoin)