Date: 20 Samh 2025
Tithe cónaithe atá tíosach ar fhuinneamh (Grád A) curtha i gcrích
Ar an 18 Samhain 2025, fuair Baill Thofa Cheantar Bardais Leifir-Shrath an Urláir deis Forbairt nua Tithíochta Sóisialta a fheiceáil a cuireadh i gcrích le gairid. Tógadh na tithe mar chuid de Chéim 2 den fhorbairt ag Corrán an Lín, Conmhaigh.
Shínigh an Chomhairle an conradh idir iad féin agus Forbairt Meadowfield Teoranta i mí Feabhra 2024 le 24 teach sóisialta a thógáil, in dhá chéim - 11 teach cónaithe a fhorbairt i gCéim 1 (9 dteach le dhá sheomra leapa & 2 theach le trí sheomra leapa) agus 13 teach cónaithe eile i gCéim 2 (7 dteach le dhá sheomra leapa & 4 theach le trí sheomra leapa & 2 theach le 4 sheomra leapa).
Is tithe atá tíosach ar fhuinneamh (Grád A) agus creat adhmaid iad a bhfuil caidéil teasa aer go huisce agus teas faoin urlár iontu chomh maith le fuinneoga agus doirse tríghloinithe. Tabharfar eochracha na dtithe do na tionóntaí faoi Chéim 2 sna seachtainí amach romhainn.
