Date: 16 DFómh 2025
Beidh an tSeachtain um Ghníomhú ar son na hAeráide á ceiliúradh i Lárleabharlann, Leitir Ceanainn ar an Aoine, 17 Deireadh Fómhair ag 11.00am
Beidh an tSeachtain um Ghníomhú ar son na hAeráide á ceiliúradh i Lárleabharlann, Leitir Ceanainn ar an Aoine, 17 Deireadh Fómhair ag 11.00am. Is mór ag an ghrúpa Eoraip Dhíreach Leitir Ceanainn agus Comhairle Contae Dhún na nGall bheith i mbun rannpháirtíochta le Michelle Murphy ón Choimisiún um Aistriú Cóir le haghaidh ceardlann ar Chéad Tuarascáil an Choimisiúin Eorpaigh maidir le hAthrú Aeráide.
Lena chois sin, tabharfaidh Michelle léargas ar na moltaí atá sa Tuarascáil Tosaigh de chuid an Choimisiúin um Aistriú Cóir. Sa chéad tuarascáil de chuid na hÉireann a bhaineann leis an Choimisiún um Aistriú Cóir, táthar ag impí ar an Rialtas straitéis cheannasach a fhorbairt a bheadh ag díriú chun cinn agus ina mbeadh aistriú cóir mar chuid lárnach de na gníomhaíochtaí ar son na hAeráide go náisiúnta.
Dúirt Wopke Hoekstra, Coimisinéir Eorpach um Aeráid, Glan-nialasacht agus Fás Glan. “Is léir ón eolaíocht – caithfidh muid gníomhú ar son na haeráide agus deireadh a chur le hastaíochtaí domhanda sna deich bliana amach romhainn. Tá daoine ag fulaingt de bharr na n-éifeachtaí uafásacha agus forleathana a bhaineann le hathrú aeráide agus tá líon na dtuillte troma ag méadú”.
Tá cur chun cinn na mbuntáistí a bhaineann le ballraíocht san AE ar cheann de bhunaidhmeanna an Choimisiúin Eorpaigh. Cuireann Eoraip Dhíreach Leitir Ceanainn an méid seo ar fáil:
- Eolas agus Rochtain ar fhoilseacháin agus ar bhróisiúir ó institiúidí an AE
- Eolas faoi dheiseanna taistil do dhaoine óga trí Erasmus+ agus Discover EU
- Rochtain ar Ríomhairí Pearsanta le hábhair a bhaineann leis an AE a chuardach
- Nasc saorghlao chuig Deasc Chabhrach Eoraip Dhíreach
- Imeachtaí, cainteanna, taispeántais, agus comórtais
Chun áit a chur in áirithe don imeacht seo a bhfuil saorchead isteach chuige, seol r-phost chuig eudirect@donegallibrary.ie nó cuir scairt ar an Lárleabharlann ar 074 91 24950.
