Date: 15 MFómh 2025
An banna ceoil Three Dog Night le ceol mar chuid den cheiliúradh ag Gradaim Diaspóra Éireannacha Tip O’Neill i mBun Cranncha
Is mór ag Bun Cranncha, Co. Dhún na nGall – Comhairle Contae Dhún na nGall a fhógairt go mbeidh an banna rac mór le rá Three Dog Night ag ceol i mBun Cranncha, agus go bhfuil breis ceolchoirmeacha beartaithe acu i mBaile Átha Cliath agus i mBéal Feirste an fómhar seo.
Tá an mórimeacht seo ag teacht le searmanas bronnta Ghradaim Diaspóra Éireannacha Tip O’Neill, ina mbeidh gradam á bhronnadh ar Danny Hutton, duine de bhunaitheoirí agus príomhamhránaí an bhanna ceoil arbh as Bun Cranncha ó dhúchas dó. Tá an searmanas le bheith ar siúl ar an Aoine, 17 Deireadh Fómhair 2025, in Óstán Gateway Inis Eoghain.
Bhí Bun Cranncha ar cheann de na Bailte a roghnaíodh faoi Chlár Píolótach Gheilleagar na hOíche de chuid an Rialtais in 2024 agus léiríonn sé seo an choimitmint atá tugtha ag an bhaile seo deiseanna fuinniúla, cuimsitheacha atá saibhir ó thaobh an chultúir de, a chur ar fáil san oíche. Is sampla í an tsraith de léirithe seo ar fhís an tionscadail — le ceol, mórtas pobail, agus beocht gheilleagrach a chothú i gcroílár Bhun Cranncha.
Dúirt Cathaoirleach Chomhairle Contae Dhún na nGall, an Clr. Paul Canning: “Is cúis mhór bhróid do Bhun Cranncha agus do Dhún na nGall é go mbeidh Danny Hutton agus Three Dog Night ag filleadh orainn. Ní hamháin gur ceiliúradh é ar na héachtaí idirnáisiúnta atá bainte amach aige, ach is dea-shampla é den dóigh ar féidir lenár dTionscadal Geilleagair Oíche beocht, cultúr agus ceol a chothú i gcroílár ár bpobail. Lena mhacasamhail de bhanna ceoil clúiteach i mBun Cranncha, léiríonn sé an uaillmhian atá againn ó thaobh an bhaile san oíche, agus fágfaidh sé lorg muiníne maidir leis an méid gur féidir le pobal Bhun Cranncha a bhaint amach.”
Dúirt Sophie Gallagher, Comhairleoir le Geilleagar Oíche Bhun Cranncha: “Is léiriú é an t-imeacht seo ar a bhfuil Clár Píolótach Gheilleagar na hOíche bunaithe: cuimhní cinn a chruthú agus deiseanna cuimsitheacha a chur ar fáil do dhaoine agus iad a ghríosú lena mbealach a dhéanamh isteach go dtí an baile san oíche. Ó tharla go mbeidh Danny Hutton ag filleadh ar a bhaile dúchais le Three Dog Night, tá muid ag súil go mbeidh tionchar aige sin ar an phobal agus ar ghnólachtaí — go smaoineoidh siad faoi na féidearthachtaí atá ann don bhaile san oíche. Beidh an mórimeacht seo ar siúl i bPictiúrlann Bhun Cranncha; foirgneamh stairiúil atá suite i gcroílár an bhaile agus táthar ag súil go mbeidh sé ina ionad ceoil amach anseo.”
Tá ticéidí ar díol anois ar Tickets.ie ag an nasc thíos:
Tickets.ie Ireland - Tickets.ie - Information For Event Three Dog Night
