Táthar ag iarraidh ar an phobal a dtuairimí a chur in iúl faoi Dhréachtphlean Gníomhaíochta Bithéagsúlachta Chontae Dhún na nGall 2026–2030

Oidhreacht

Táthar ag iarraidh ar an phobal a dtuairimí a chur in iúl faoi Dhréachtphlean Gníomhaíochta Bithéagsúlachta Chontae Dhún na nGall 2026–2030

Tá Comhairle Contae Dhún na nGall ag iarraidh ar bhaill den phobal, ar ghrúpaí pobail, ar úinéirí talún, ar ghnólachtaí agus ar eagraíochtaí a dtuairimí a chur in iúl faoi dhréachtphlean Gníomhaíochta Bithéagsúlachta Chontae Dhún na nGall 2026 - 2030.  Cuireann Dréachtphlean Gníomhaíochta Bithéagsúlachta Chontae Dhún na nGall 2026-2030 creatlach ar fáil do ghníomhaíocht bithéagsúlachta sna cúig bliana amach romhainn leis an fhís bhithéagsúlachta i gContae Dhún na nGall a chosaint, a athchóiriú agus a cheiliúradh.  D'ullmhaigh Comhairle Contae Dhún na nGall agus Grúpa Oibre Bithéagsúlachta Chontae Dhún na nGall an Plean Gníomhaíochta Bithéagsúlachta i ndiaidh tréimhse d'aighneachtaí poiblí agus rannpháirtíocht le páirtithe leasmhara anuraidh.

Is í an bhithéagsúlacht éagsúlacht an tsaoil timpeall orainn.  Is iad na plandaí, na hainmhithe, na gnáthóga agus na héiceachórais a fhágann gur áit speisialta é Contae Dhún na nGall. Tacaíonn cóstaí, ardtailte, portaigh, aibhneacha, oileáin agus talamh feirme Dhún na nGall le héagsúlacht shaibhir fiadhúlra agus tá siad lárnach d'fhéiniúlacht agus d'fholláine na contae. 

Freagraíonn an dréachtphlean Gníomhaíochta Bithéagsúlachta do ghealltanais náisiúnta agus do dhualgas bithéagsúlachta Chomhairle Contae Dhún na nGall, agus díríonn sé ar ghníomhaíocht phraiticiúil, lena n-áirítear feabhas a chur ar eolas agus feasacht, tailte na Comhairle a bhainistiú ar bhealaí nach ndéanann dochar don dúlra agus comhpháirtíochtaí láidre agus tionscadail áitiúla a thógáil ar fud Dhún na nGall.

Tá Dréachtphlean Gníomhaíochta Bithéagsúlachta Chontae Dhún na nGall 2026 - 2030 ar fáil le hathbhreithniú a dhéanamh air ón 23 Feabhra go dtí an 23 Márta 2026 agus tá an Tuarascáil Scagthástála Measúnachta Cuí agus an Tuarascáil Scagthástála Measúnachta Timpeallachta Straitéisí do Dhréachtphlean Gníomhaíochta Bithéagsúlachta Chontae Dhún na nGall ag gabháil leis.

Más mian le duine ar bith trácht a dhéanamh nó a dtuairimí, is féidir é sin a dhéanamh ar bhealaí éagsúla.

• Tairseach ar líne: Bain úsáid as ár dtairseach suirbhé ar líne chun do thuairimí a chur isteach ag https://consult.donegal.ie/
• Seol ríomhphost chuig: biodiversity@donegalcoco.ie. Ba chóir go mbeadh "Dréachtphlean Gníomhaíochta Bithéagsúlachta Chontae Dhún na nGall 2026-2030" le feiceáil ar líne an ábhair
• I scríbhinn chuig: Oifigeach Bithéagsúlachta, Comhairle Contae Dhún na nGall, Teach na Contae, Leifear, Contae Dhún na nGall, F93 Y622.
• Go pearsanta ag clinicí buail isteach bithéagsúlachta poiblí le hOifigeach Bithéagsúlachta Chomhairle Contae Dhún na nGall mar atá sonraithe thíos:

Ba chóir d'ainm agus do sheoladh a bheith san áireamh i ngach aighneacht, agus, nuair is cuí, sonraí aon eagraíochta, grúpa pobail nó cuideachta srl., a ndéanann tú ionadaíocht orthu.

Is é Dé Luain an 23 Márta 2026 an spriocdháta le haghaidh aighneachtaí.

Má tá aon cheist agat nó má theastaíonn tuilleadh sonraí uait, déan teagmháil leis an Oifig Bithéagsúlachta trí ríomhphost ag: biodiversity@donegalcoco.ie nó ar an fhón ag 074 91 53900.  Tacaíodh le forbairt Phlean Gníomhaíochta Bithéagsúlachta Dhún na nGall le maoiniú ón Chomhairle Oidhreachta, trí chlár Phlean Gníomhaíochta Bithéagsúlachta an Chontae.  Cuirtear Clár Oifigeach Bithéagsúlachta na nÚdarás Áitiúil ar fáil i gcomhpháirtíocht leis an Chomhairle Oidhreachta.

To save this webpage as a PDF, select ‘Save as PDF’ from the Destination drop down and save.