Athrú Molta (Uimh.1) ar Phlean Forbartha Chontae Dhún na nGall 2024-2030 foilsithe ag an Chomhairle

Pleanáil

Athrú Molta (Uimh.1) ar Phlean Forbartha Chontae Dhún na nGall 2024-2030 foilsithe ag an Chomhairle

Tá Athrú Molta (Uimh.1) ar Phlean Forbartha an Chontae 2024-2030 foilsithe ag Comhairle Contae Dhún na nGall agus beidh sé ar fáil le haghaidh comhairliúcháin phoiblí idir 16 Eanáir agus 13 Feabhra 2026. 

Tá na nithe seo a leanas mar chuid den athrú molta:

• Pleananna Limistéir nua do An Clochán Liath, do Bhéal Átha Seanaidh, do Cheann an Droichid, don Charn Domhnach, do Bhaile Dhún na nGall agus do Na Cealla Beaga. Beidh na Pleananna Limistéir seo mar threoir nuair atá pleanáil agus cinntí faoi mhaoiniú poiblí a bhaineann le tithíocht, athghiniúint uirbeach, an córas iompair agus forbairt eacnamaíochta agus pobail ar bun sna bailte thuas amach anseo. Tiocfaidh na pleananna seo in áit na bpleananna limistéir áitiúla reatha atá mar chuid de ‘Plean Limistéir Áitiúil na Seacht mBaile Straitéiseacha 2018-2024’.
• Leasuithe ar Phlean Limistéir Bhun Cranncha trí athchriosú a dhéanamh ar thailte i gCnoc an Choiligh, Bun Cranncha ó Chéim Chónaithe Nua 2 go Céim Chónaithe Nua 1.
• Leasuithe ar Phlean Limistéir Leitir Ceanainn mar thoradh ar Cháin Talún Criosaithe Cónaithe a bhaineann le criosuithe agus athchriosú a dhéanamh ar thailte ‘Limistéar Oidhreachta Nádúrtha beartaithe (LONb)’ go Timpeallacht Áitiúil. 
• Leasuithe ar Phlean Limistéir Bhealach Féich/Shrath an Urláir mar thoradh ar athchriosuithe Cháin Talún Criosaithe Cónaithe agus athchriosú a dhéanamh ar thailte i Muileann an Droichid, Srath an Urláir go Céim Chónaithe Nua 1.

Chomh maith leis an Athrú molta, tá Pleananna Iompair Áitiúla ann do gach Plean Limistéir nua agus measúnuithe comhshaoil lena n-áirítear Tuarascáil Chomhshaoil, Tuarascáil Tionchair Natura agus Measúnú Straitéiseach ar Riosca Tuilte.

San athrú molta seo, táthar ag súil go mbainfear na riachtanais fáis tithíochta uasdátaithe amach atá le fáil i gCur i bhFeidhm an Chreata Náisiúnta Pleanála (NPF): Treoirlínte maidir le Riachtanais Fáis Tithíochta d’Údaráis Phleanála’.
Is féidir súil a chaitheamh ar an Athrú Molta chomh maith le Léarscáileanna Criosaithe Úsáid Talún, Pleananna Iompair Áitiúla agus Measúnuithe Comhshaoil:

• Ar líne ag consult.donegal.ie agus Proposed Variation — Donegal Dev Plan 2024-2030
• In Oifigí na Comhairle le linn gnáthuaireanta oifige (9am-4.30pm)
• I Leabharlanna na Comhairle le linn a n-uaireanta oscailte faoi seach.

Tá cóipeanna crua de na doiciméid ar fáil ón Lárionad Pleanála (déan teagmháil leo ar 0749153900 nó seol ríomhphost chuig planningcpu@donegalcoco.ie).

Beidh na himeachtaí buail isteach seo a leanas á reáchtáil ag an Chomhairle chomh maith:

Is féidir leis an phobal aighneachtaí nó tuairimí i scríbhinn a bhaineann leis an Athrú Molta agus le haon doiciméad gaolmhar a chur isteach idir an Aoine 16 Eanáir 2026 agus an Aoine 13 Feabhra 2026

• Ar Líne: consult.donegal.ie
• Ríomhphost: planningcpu@donegalcoco.ie
• Post: An Lárionad Pleanála, Comhairle Contae Dhún na nGall, Áras an Chontae, Leifear, Co. Dhún na nGall, F93 Y622

Déanfar tuairisc ón Phríomhfheidhmeannach a ullmhú bunaithe ar na haighneachtaí a chuirfear isteach le linn an chomhairliúcháin phoiblí. Déanfaidh na baill thofa an tuairisc sin a mheas sula ndéanfar leasuithe ar ábhair den Athrú Molta. Cuirfear na hAthruithe beartaithe sin ar fáil le haghaidh comhairliúcháin phoiblí sula ndéanfaidh na baill thofa an tAthrú Molta a chur i gcrích.

To save this webpage as a PDF, select ‘Save as PDF’ from the Destination drop down and save.