Date: 12 Ean 2026
Tacaíocht ar fáil d’eagraíochtaí oidhreachta faoi Scéim na Comhairle Oidhreachta
Táthar ag glacadh le hiarratais anois faoi Chiste Tacaíochta Eagraíochtaí Oidhreachta, a chuireann tacaíocht airgid ar fáil d’eagraíochtaí neamhbhrabúis agus neamhrialtasacha atá ag obair san earnáil oidhreachta. Faoi Scéim na Comhairle Oidhreachta, bíonn sé ar chumas eagraíochtaí oidhreachta tuarastail a bhfoirne agus costas cíosa a dhíol, foireann úr a fhostú, cur le scileanna agus oiliúint, agus dóigheanna úra oibre a chur chun cinn. Is féidir iarratas a dhéanamh ar líne trí Chóras Bainistíochta Deontas Ar Líne na Comhairle Oidhreachta. Tá go dtí 5 p.m. Dé Luain, 26 Eanáir 2026 ag eagraíochtaí le hiarratas a dhéanamh.
“Chuir an Chomhairle Oidhreachta tacaíocht ar fáil do dhá eagraíocht oidhreachta atá lonnaithe i nDún na nGall, in 2025” a mhínigh Joseph Gallagher, Oifigeach Oidhreachta. D’éirigh le hIontaobhas Brian Friel agus Músaem Muirí Inis Eoghain faoin scéim, ina bhfuil maoiniú suas le €50,000 ar fáil do gach eagraíocht. Ní mór go mbeadh eagraíochtaí a chuireann iarratas isteach ábalta a dtábhacht réigiúnach nó náisiúnta a léiriú agus caithfidh siad a bheith ag tabhairt faoi ghnéithe a chuireann le cur i bhfeidhm pholasaithe agus pleananna náisiúnta. Tá léargas iomlán ar an chritéir cháilitheachta agus eolas ábhartha eile le fáil ar shuíomh gréasáin na Comhairle Oidhreachta:
Tá seimineár gréasáin ar taifeadadh roimhe seo le fáil ar shuíomh gréasáin na Comhairle Oidhreachta ag:
www.heritagecouncil.ie/funding/heritage_orgs-fund. Beidh sé seo ina chuidiú acu sin ar mian leo iarratas a dhéanamh faoin scéim. Tá comhairle maidir leis an iarratas ar fáil fosta ó Oifig Oidhreachta Chontae Dhún na nGall, Comhairle Contae Dhún na nGall ach r-phost a sheoladh chuig heritage@donegalcoco.ie nó glaoch a chur ar (074) 917 2576.
