Date: 18 Márta 2026
CLÁR 2026
Ag eascairt ón fhógra ón Aire Forbartha Tuaithe agus Pobail agus Gaeltachta, Dara Calleary, ar an 10 Márta maidir le CLÁR 2026, tá Comhairle Contae Dhún na nGall anois ag lorg Léirithe Spéise ó ghrúpaí pobail do Bheart 1 maidir le tograí tionscadail a bhfuil siad ag iarraidh dul chun cinn a dhéanamh iontu laistigh dá bpobail.
Is clár infheistíochta spriocdhírithe é CLÁR (Ceantair Laga Árd-Riachtanais) do cheantair thuaithe a bhfuil sé mar aidhm aige maoiniú a chur ar fáil do thionscadail bhonneagair bheaga i gceantair thuaithe a bhfuil leibhéil shuntasacha dídhaonra iontu.
Cuirfear Scéim Mhaoinithe CLÁR 2026 ar fáil faoi thrí Bheart ar leith mar seo a leanas:
Is iad na hÚdaráis Áitiúla a riarann Beart 1 i gcomhairle le pobail áitiúla. Beidh sé ann le tacú le tionscadail chaipitil éagsúla le feabhas a chur ar Áiseanna Áineasa Pobail atá ann cheana agus/nó le hÁiseanna Áineasa Pobail nua inrochtana a fhorbairt.
Ní mór do gach áis phobail a mhaoinítear faoin chlár seo a bheith inrochtana do gach cumas agus aois, a mhéid is féidir.
