Daltaí ó Dhún na nGall a fuair lánscoláireacht Ghaeltachta ó Chomhairle Contae Dhún na nGall, scéim a fhaigheann tacaíocht airgid ó na Coláistí Samhraidh sa chontae chomh maith.
Tá 34 dhalta scoile as achan chearn de Dhún na nGall, agus iad lán díograis agus tógáil mhór croí, i ndiaidh lán-scoláireachtaí samhraidh Gaeltachta a fháil ó Chomhairle Contae Dhún na nGall Dé Luain 25 Bealtaine. Ba é Cathaoirleach Chomhairle Contae Dhún na nGall, An Clr. John Campbell, agus Cathaoirleach ar Choiste Gaeilge na Comhairle Contae, An Clr Mícheál Ó Cuinn, a rinne na scoláireachtaí a bhronnadh ar an aos óg ar an lá.
Agus é ag caint ag an ócáid, dúirt Jake McDaid, atá aon bhliain déag d’aois, go raibh lúcháir air an deis seo a fháil freastal ar Choláiste Ghael Linn i mBun an Inbhir i nGaoth Dobhair, agus bhí an méid céanna le rá ag Charlene McGinley, 13bl, agus í ar tí freastal ar chúrsa de chuid Choláiste an Phiarsaigh i nDún Lúiche. Chuir an Cathaoirleach John Campbell fáilte fhoirmeálta roimh achan dalta agus achan tuismitheoir chuig an ócáid agus luaigh sé an tábhacht a bhí leis an Ghaeilge i gContae Dhún na nGall, a eispéireas féin agus a thaithí féin leis an teanga mar fhoghlaimeoir, agus ghuigh sé gach ádh leis na daoine óga le linn a gcuid laethanta saoire i gceantar saibhir na Gaeltachta.
Ghabh an Clr. Mícheál Ó Cuinn, cathaoirleach ar Choiste Gaeilge na Comhairle Contae, ghabh sé buíochas leis na coláistí éagsúla atá ag tacú leis an scéim bhliantúil trí 17 scoláireacht a chur ar fáil i gcoinne an 17 scoláireacht atá á gcur ar fáil ag Comhairle Contae Dhún na nGall, ina measc Coláiste Bhríde i Rann na Feirste, Coláiste Árainn Mhór ar Oileán Árainn Mhór, Coláiste Chill Chartha, Coláiste Aoidh Mhic Bhricne i dTeileann, Coláiste Chú Chulainn i nGaoth Dobhair, Coláiste Ghael Linn i mBun an Inbhir, Coláiste na Rosann in Anagaire agus Coláiste an Phiarsaigh i nDún Lúiche. ‘Fuair an Chomhairle 465 iarratas san iomlán’ ar seisean ‘agus tá 34 lánscoláireacht á mbronnadh againn ar na daltaí ádhúla ar tarraingíodh a gcuid ainmneacha amach as an bhosca i gcrannchur oscailte agus cothrom ina raibh an deis chéanna ag achan duine. Is fiú suas le €25,000 an scéim seo’ a lean sé ‘agus is infheistíocht shuntasach í sin sa teanga, san óige agus sa chontae’. Ghabh sé buíochas lena chomhleacaithe tofa ar Choiste na Gaeilge.
Dúirt Seán Ó Daimhín, Oifigeach Forbartha Gaeilge le Comhairle Contae Dhún na nGall, go raibh sé tábhachtach dúinne a léiriú do na daoine óga go bhfuil meas againn féin ar an teanga. Labhair sé faoin tábhacht mhór a bhí bainte leis an teanga i saol na hoibre agus sa tseirbhís phoiblí i gcoitinne, agus rinne sé tagairt chomh maith do réimse imeachtaí agus gníomhaíochtaí laistigh den Chomhairle contae, ina measc imeachtaí Sheachtain na Gaeilge ní ba luaithe i mbliana sna leabharlanna ar fud an chontae, cur i bhfeidhm Scéim Teanga na Comhairle 2014-2017, pleananna leis an Ghaeilge a bheith san áireamh sa chlár imeachtaí atá á chur le chéile le haghaidh Chomóradh Céad Bliain 2016, agus go mbeidh an Ghaeilge mar chuid den Phlean Áitiúil Eacnamaíochta agus Pobail don chontae atá ar na bacáin.
CRÍOCH
(Liosta ainmneacha thíos faoi seo)
Ainmneacha don Scéim Scoláireachta 2015
Liosta Deiridh do Scoláireachtaí Gaeltachta 2015 |
|
Kathlyn McFeeley, Uisce Chaoin, Magh |
Coláiste Bhríde, Rann na Feirste |
Leah Quigley, Ballynally, Bun an Phobail, Leifear |
Coláiste Bhríde, Rann na Feirste |
Donna McConnellogue, Sappagh, Magh |
Coláiste Ghael Linn, Bun an Inbhir |
Sophie Doherty, Bóthar Ghaoth Dobhair, An Clochán Liath |
Coláiste Ghael Linn, Bun an Inbhir |
Jake McDaid, Sappagh, Magh |
Coláiste Ghael Linn, Bun an Inbhir |
Lauren Callaghan, An Phríomhshráid, Cúil na gCuirridín |
Coláiste Ghael Linn, Bun an Inbhir |
Niamh O'Hagan, Sappagh, Magh |
Coláiste na Rosann, Anagaire |
Rebecca Blaney, County Lane, An Clochán Liath |
Coláiste na Rosann, Anagaire |
Ruairí Kelly, Glenmaquin, Leitir Ceanainn |
Coláiste na Rosann, Anagaire |
Orla Egan, An Cheathrú Chaol |
Coláiste na Rosann, Anagaire |
Aoife Ní Dhuibhir, An Bábhún/Bavan, Cill Charthaigh |
Coláiste na Rosann, Anagaire |
Mathew Callaghan, Arda Radharc an Bhaile, Bealach Féich |
Coláiste na Rosann, Anagaire |
Rebecca Blackburn, Magheracorran, Conmhaigh |
Coláiste an Phiarsaigh, Dún Lúiche |
Éimear Nic Pháidín, Cnoc an Chuilinn, Hollymount, |
Coláiste an Phiarsaigh, Dún Lúiche |
Charlene McGinley, Cashleenan, An Tearmann |
Coláiste an Phiarsaigh, Dún Lúiche |
Odhrán McGlynn, Thompsonstonduff, An Clochán |
Coláiste an Phiarsaigh, Dún Lúiche |
James Monagle, Cloch Ard, Gleann Tóchair, Carn Domhnach |
Coláiste an Phiarsaigh, Dún Lúiche |
Tadhg Quigley Brennan, Bóthar Leitir Ceanainn, Ráth Mealtain |
Coláiste Aoidh Mhic Bhricne, Teileann |
Siobhán Ní Dhochartaigh An Bogach Carraig Dún na nGall Contae Dhún na |
Coláiste Aoidh Mhic Bhricne, Teileann |
Shannon Doherty, Ard na Rí, An Lána Fada, Leitir Ceanainn |
Coláiste Aoidh Mhic Bhricne, Teileann |
Máirtín Mac Fheargail, Assaroe View, Béal Átha Seanaidh |
Coláiste Aoidh Mhic Bhricne, Teileann |
Róise Ní Andersson, Coguis, Cill Charthaigh |
Coláiste Chill Chartha |
Danielle Masterson-Burrows, Lawne Close, Béal Átha Seanaidh |
Coláiste Chill Chartha |
Ava McGinley, Na Caislíní Cill Charthaigh |
Coláiste Chill Chartha |
Aisling O'Malley, Clós Naomh Muire, St Mary's Close |
Coláiste Chill Chartha |
Courtney O'Connor, Carnmalin Carn Mhálanna, Cionn Mhálanna |
Coláiste Chill Chartha |
Seán Coleman,Dungorman, Caisleán na Finne |
Coláiste Chill Chartha |
Aoife Kelly, An Craoslach, Leitir Ceanainn |
Coláiste Chill Chartha |
Conor Bowe, The Fairways, Leitir Ceanainn |
Coláiste Árainn Mhór |
Harry White, Na Mínligh / The Fairways, An Glaidhb, Leitir Ceanainn |
Coláiste Árainn Mhór |
Shaun Marley, Coillte Feargail, An Clochán |
Coláiste Chú Chulainn |
Chloe Doherty, Baile Áir / Ballyare, Ráth Mealtain |
Coláiste Chú Chulainn |
Amy Dilleyston, Cornfield Lane / An Baile Nua |
Coláiste Chú Chulainn |
Amelia Yeoman, Gort na mBó, Aghilly, Bun Cranncha |
Coláiste Chú Chulainn |