Clár Comórtha Dhún na nGall 1916-2016

Cuirfear tús oifigiúil le himeachtaí comórtha 2016 i nDún na nGall nuair a sheolfaidh An Cathaoirleach, An Comhairleoir Ciarán  Ó Brógáin Clár Imeachtaí Comórtha Dhún na nGall 2016 i dTeach an Chontae, Leifear.

 Beidh an seoladh ar siúl ar 12 meánlae agus i measc na gcainteoirí beidh Eileen Burgess, Comhordaitheoir Áitiúil 2016, Michael O’Reilly, Éire 2016; An Clr. Marie-Therese Gallagher, Coiste Dhún na nGall d’Éire 2016; An tAire Stáit Joe McHugh T.D; Michael Starrett, An Chomhairle Oidhreachta agus Séamus Ó Conghaola, Comhairle Contae Dhún na nGall.

 Ag an phointe seo, tá breis agus 90 imeacht cláraithe ar an chlár imeachtaí, agus is mó ná dócha go mbeidh tuilleadh imeachtaí ar an chlár sna míonna amach romhainn, agus beidh deis ag achan aoisghrúpa, thar lear agus anseo sa chontae, a bheith páirteach ann.