Joy Harron, Turasóireacht Dhún na nGall ag freastal ar sheoladh an tionscadail i gCorcaigh ní ba luaithe an tseachtain seo.
Tá Comhairle Contae Dhún na nGall chun tairbhe a bhaint as Maoiniú €1.26 milliún de chuid INTERREG le tuilleadh deiseanna turasóireachta a fhorbairt sa chontae i réimse na crúsála ar feadh chósta an Iarthair agus an Tuaiscirt.
I gcomhpháirt le Comhairle Chathair Dhoire agus Institiúid Teicneolaíochta Chorcaí, beidh Comhairle Contae Dhún na nGall ag obair i gcomhar le hÚdaráis Phoirt, Ionaid Taighde Turasóireachta agus eagaíochtaí um Bainistiú na Crúsála in Albain, san Iorua agus ar Oileáin Fharó sna trí bliana amach romhainn le bealach crúsála luamh a fhorbairt, ó chósta iardheisceart na hÉireann go dtí an Iorua.
Forbróidh an togra, ar a dtugtar An Bealach 'Cool', agus a fhaigheann tacaíocht ó Chlár Fhorimeall an Tuaiscirt agus an Artaigh de chuid Interreg, forbróidh sé Pleananna Gnó agus Margaíochta don bhealach, chomh maith le seirbhísí lóistíochtúla agus áiseanna.