Ghlac Comhairle Contae Dhún na nGall ar an 10 Aibreán 2017, i ndiaidh comórtas tairisceana poiblí, leis an tairiscint ó Joseph Mc Menamin & Sons (Stranorlar Ltd.) leis na hoibreacha atá leagtha amach thíos a dhéanamh mar chuid de Thogra Feabhsúcháin Rochtana agus Conláiste Chionn Mhálanna.
Cé go bhfuil tús go díreach curtha leis an togra ar an talamh, táthar ag dréim go mbeidh an togra críochnaithe go luath i mí Iúil 2017 agus ar oscailt don phobal uaidh sin amach.
Is é Fáilte Éireann, an Ghníomhaireacht Náisiúnta um Fhorbairt Turasóireachta, atá ag maoiniú an togra.
Ba mhaith le Comhairle Contae Dhún na nGall a chur in iúl don phobal agus do chuairteoirí ar Phointe Sár-Radhairc Chionn Mhálanna go mbeidh bainistiú tráchta i bhfeidhm fad agus a bheas an obair thógála ar siúl, agus ó am go chéile, gur féidir go mbeidh bacanna ar an bhóthar isteach go Coróin Banba, go háirithe nuair a bheas obair dhromchla ar siúl. Is fiú a lua fosta ós rud é go bhfuil spás teoranta thart fá Choróin Banba, is féidir go rachaidh sé crua ar bhusanna agus ar fheithiclí móra eile tiontú thart le linn oibreacha tógála.
Ba mhaith le Comhairle Contae Dhún na nGall ár leithscéal a ghabháil as aon mhíchaoithiúlacht a tharlófar dá bharr seo, agus ba mhaith linn ár mbuíochas a ghabháil leis an phobal roimh ré, go háirithe an pobal áitiúil, as a dtacaíocht agus a gcomhoibriú leanúnach.