Donegal County Council Logo

Sa Rannóg Seo

Baile > An Chomhairle > Na Meáin > Eanáir 2021 ar aghaidh > Scéimeanna Faoisimh Tuilte

14-06-21 Réamh-Shuirbhéanna Timpeallachta i dtaca le Scéimeanna Faoisimh Tuilte ag Bealach Féich agus Srath an Urláir, Bun Cranncha agus Ráth Mealtain

 

Tá gá le suirbhéanna éiceolaíocha agus bonneagair chun bonn eolais a chur faoi fhorbairt agus dhearadh na roghanna faoisimh tuilte i mBealach Féich-Srath an Urláir, Bun Cranncha – Lodán agus Ráth Mealtain. Tá na comhairleoirí Byrne Looby ceaptha le seirbhísí innealtóireachta agus timpeallachta a dhéanamh le haghaidh scéimeanna faoisimh tuilte. Tosóidh siad suirbhéanna bunlíne ar an 21 Meitheamh 2021. Glacfaidh na suirbhéanna tosaigh seo coicís nó mar sin. Déanfar suirbhéanna breise sna míonna amach romhainn.

 


Tá na ráitis riachtanacha sláinte agus sábháilteachta faighte ag Comhairle Contae Dhún na nGall ó Byrne Looby, ina leagtar amach a gcuid prótacal agus gnásanna, go háirithe i dtaca le Covid 19. Is féidir go mbeidh ar na foirne suirbhéireachta rochtain isteach a fháil ar thailte príobháideacha chun measúnachtaí gnáthóige agus bithéagsúlachta a chur i gcrích.

 


Má tá aon cheist agat déan teagmháil leis an Aonad le haghaidh Scéimeanna Faoisimh Tuilte i gComhairle Contae Dhún na nGall nó tríd an lárionad teagmhála ar 074 9153900 nó rphost floodreliefschemes@donegalcoco.ie. Beidh tréimhse chomhairliúcháin ar líne ag toiseacht i mí Mheán Fómhair 2021 fosta chun bonn eolais a chur faoi phróiseas forbartha na scéime.

 


Gabhann Comhairle Contae Dhún na nGall buíochas leis an phobal roimh ré as a gcomhoibriú ar an ábhar seo, a bheas ina chuidiú mór le scéimeanna faoisimh tuilte a dhearadh atá inghlactha ó thaobh na timpeallachta de.

Rátáil an leathanach

Déan rogha thíos

Léarscáileanna

Map Portal

  • winterweather Image
  • NWGreenway network icon
  • Donegal Tourism Logo
  • Rennet Image
  • NPPR Logo
  • Donegal Gathering Logo
  • Donegal Diaspora Logo
  • Public Art logo
  • Regional Cultural Centre logo
  • Spaceial logo
  • IrishWater
  • LEO