1500 bliain ó shin a rugadh Naomh Colm Cille i nGartán, Co Dhún na nGall agus déanfar ceiliúradh in ómós dó in 2020 – 2021.
Iarrann Seirbhís Leabharlainne Chomhairle Contae Dhún na nGall agus Leabharlanna TÉ tairiscintí ó dhaoine aonair nó eagraíochtaí a bhfuil an ábaltacht chuí acu chun leagan athshamhlaithe de Bhailiúchán Bhéaloideas na Scoileanna a bhaineann le Colm Cille a fhorbairt agus a sheachadadh.
Is é a bheas i gceist sa togra seo ná ceardlanna a dhearadh, a fhorbairt agus a sheachadadh do pháistí bunscoile i gContae Dhún na nGall agus i gContae Dhoire.
Ullmhóidh an t-éascaitheoir leagan ar líne de na ceardlanna, más rud é go bhfuil na scoileanna druidte ag an am mar gheall ar shrianta COVID-19.
Ansin roghnófar na scéalta, cuirfear iad i dtoll a chéile agus déanfar taifead de na páistí ag léamh a gcuid scéalta féin.
Déanfar an scéal a roghnófar a bheochanú agus cuirfear é ar fáil ar líne.
Críochnóidh an tionscadal le seóthaispeántas ina mbeidh an scéala beoite le feiceáil don chéad uair.
Bainfidh an togra iontach seo úsáid as teicneolaíocht nua-aimseartha agus as cúrsaí beochana chun scéal Colm Cille a nuashonrú agus a athbheochan ar bhealach nua bríomhar agus spleodrach do lucht féachana sa 21ú haois.
Is é an dáta deiridh chun gach thairscint a fháil ná 12.00in an 7 Deireadh Fómhair.
Tá tuilleadh eolais faoin togra ar fáil anseo nó is féidir teagmháil a dhéanamh le - Una Mathewson ag - [email protected] nó le - Donna Cavanagh ag- [email protected].