Léim isteach i nDraíocht na Léitheoireachta le ‘Preab isteach sa Scéal’ a bheas ar siúl ar fud Leabharlanna Dhún na nGall i mí Aibreáin!

Cultúr

Léim isteach i nDraíocht na Léitheoireachta le ‘Preab isteach sa Scéal’ a bheas ar siúl ar fud Leabharlanna Dhún na nGall i mí Aibreáin!

Bí réidh le haghaidh mí lán samhlaíochta agus spraoi! Tá Leabharlanna Dhún na nGall iontach sásta ‘Preab isteach sa Scéal’ a chur i láthair, clár aoibhinn a bheas ar siúl le linn na míosa, dírithe ar pháistí idir 0-10 mbliana d’aois agus ar a dteaghlaigh.

Cuireann ‘Preab isteach sa Scéal’ rud inteacht ar fáil d’achan duine – idir sheisiúin bhríomhara le scéalta idirghníomhacha do thachráin agus cheardlanna cruthaitheacha do pháistí níos sine. Tá réimse imeachtaí beartaithe mar chuid de ‘Preab isteach sa Scéal’ agus is cinnte go spreagfar suim sa léitheoireacht. Mar chuid den chlár náisiúnta ‘Ceart chun Léamh’, táimid tiomanta d'fhorbairt litearthachta agus léitheoireachta a chothú do chách, rud a fhágann gur aistear lán eachtraíochta í an fhoghlaim.

Scaoil Saor na Sceitimíní:

• Eachtraí Scéalaíochta le Téama: Léim isteach i ndomhan lán draíochta lenár seisiúin bhríomhara le scéalta idirghníomhacha, atá fóirsteanach d’éisteoirí óga.
• Ceardlanna Cruthaitheacha: Scéalta faoi Lán Seoil! Cruthaigh nithe inláimhsithe bunaithe ar scéalta le gníomhaíochtaí praiticiúla a spreagann an tsamhlaíocht.
• Aíonna Scéalaíochta: Scéalta le Cuimhneamh orthu: Bí faoi gheasa ag taispeántais tarraingteacha le húdair, le healaíontóirí agus le scéalaithe áitiúla.
• Dúshlán LEGO: Cruthaigh Dúil Bheo Earraigh: Scaoil le do shamhlaíocht agus cruthaigh dúil bheo earraigh le brící LEGO!
• Ceardlanna ar Chruthú Cartún: Bí i do Bheochantóir: Tabhair na carachtair chartúin is fiáine chun beochta agus cuir spéis i ndraíocht na beochana.
• Seónna Draíochta le Ceol: Siansa Draíochtúil: Bain sult as an mheascán draíochtúil ceoil agus as an draíodóireacht féin ag na seónna idirghníomhacha seo.

I Leabharlanna Dhún na nGall, creidimid go bhfuil sé fíorthábhachtach spéis sa léitheoireacht a chothú ó aois an-óg. Tá ár gclár ‘Preab isteach sa Scéal’ saor in aisce agus é mar aidhm aige a bheith spraíúil, inrochtana agus ionchuimsitheach, ag cinntiú go mbaineann gach páiste sult as aoibhneas na leabhar.

Ná caill an deis! Tabhair cuairt ar do Leabharlann áitiúil i nDún na nGall chun sceideal agus amanna na n-imeachtaí a fháil amach. Tá gach imeacht saor in aisce agus tá fáilte roimh chách.

Coinnigh Suas Chun Dáta:

• Chun mioneolas a fháil ar na himeachtaí go léir, tabhair cuairt ar an suíomh gréasáin: donegallibrary.ie 
• Lean muid ar Facebook: @DonegalCountyLibrary agus ar Instagram: @donegalLibrary

Léimimis isteach sa Scéalaíocht le chéile an tEarrach seo!

To save this webpage as a PDF, select ‘Save as PDF’ from the Destination drop down and save.