Date: 30 Ean 2025
Scéim na nDámhachtainí Tionscadail Chultúir agus Chruthaitheachta Dhún na nGall 2025
Is cúis áthais d’Fhoireann Chultúir agus Chruthaitheachta Chomhairle Contae Dhún na nGall gairm oscailte a fhógairt do ghrúpaí pobail, d’eagraíochtaí agus do dhaoine aonair atá lonnaithe i nDún na nGall chun iarratais a chur isteach ar Scéim na nDámhachtainí Tionscadail Chultúir agus Chruthaitheachta Dhún na nGall 2025. Tá na dámhachtainí seo á dtairiscint mar chuid de Chlár Pobail Chruthaitheacha Chomhairle Contae Dhún na nGall.
Tairgeann an Scéim 25 dámhachtain tionscadail de €2,000 an ceann chun tacú le tionscnaimh nua a chothaíonn rannpháirtíocht idir pobail agus gairmithe ealaíon, cultúir, cruthaitheachta, bithéagsúlachta nó oidhreachta. Cuirimid fáilte roimh iarratais uathu siúd nach raibh baint acu le hÉire Ildánach roimhe seo, agus uathu siúd a bhfuil bealaí nua cruthaitheacha acu agus ar mian leo páirt a ghlacadh iontu.
Is féidir leis na tionscadail sin díriú ar chultúr, oidhreacht, cruthaitheacht, ealaíona, nó teicneolaíocht a mhealladh, a iniúchadh, a chomhroinnt, a chaomhnú nó a chur chun cinn ar bhealaí cruthaitheacha agus samhlaíocha, mar shampla trí thaibhithe, ceardlanna, taispeántais, oiliúint, gníomhaíochtaí caomhnaithe nó taighde. Ba cheart an rannpháirtíocht leis an bpobal nó le spriocghrúpa a bheith ina príomhghné de d’iarratas.
Tá an deis mhaoinithe seo á cur ar fáil trí chlár Éire Ildánach a fhaigheann tacaíocht ón Roinn Turasóireachta, Cultúir, Ealaíon, Gaeltachta, Spóirt agus Meán agus ó Chomhairle Contae Dhún na nGall.
Is é an dáta deiridh a nglacfar le hiarratais ná Dé hAoine, an 28 Feabhra ag 4i.n. Ní féidir glacadh le hiarratais dhéanacha.
Íoslódáil Treoirlínte maidir le Dámhachtainí Tionscadail Chultúir agus Chruthaitheachta
Déan iarratas ar líne ag https://submit.link/3lf ,
nó Íoslódáil agus seol le ríomhphost Foirm Iarratais 2025 ar Scéim na nDámhachtainí Tionscadail Chultúir agus Chruthaitheachta
Cuirtear fáilte roimh iarratais ar líne, ag baint úsáid as an nasc iarratais thuas nó trí ríomhphost tríd an leagan Word den fhoirm iarratais a chomhlánú.
Beidh seisiún eolais ar líne ag Oifigeach Rannpháirtíochta na bPobal Cruthaitheach, Daithí Ramsay, Dé Máirt, an 18 Feabhra ag 7i.n. Chun clárú dó sin seol ríomhphost chuig creativeireland@donegalcoco.ie
