Date: 18 Meith 2025
Leabhar scríofa i nGaeilge, i mBéarla agus in Ultais le daoine óga i nDún na nGall agus Tír Eoghain.
Tá lúcháir ar Sheirbhís Leabharlainne Dhún na nGall a fhógairt go bhfuil leabhar foilsithe anois atá spreagtha ag an scríbhneoir mór le rá Flann O'Brien nó Brian Ó Nualláin. Scríobh daltaí i nDún na nGall agus i dTír Eoghain an leabhar seo agus tá meascán de scríbhneoireacht i nGaeilge, i mBéarla agus in Ultais ann.
Abhainn-Burn-River an teideal atá ar an leabhar agus forbraíodh é i gceardlanna le páistí ó Scoil Náisiúnta Bhaile an Chaisleáin, Scoil Náisiúnta an Leifir, Gaelscoil Uí Dhochartaigh agus Bunscoil an tSratha Báin i Leabharlann an Leifir agus Leabharlann an tSratha Báin. D’fhorbair agus d’éascaigh na filí Alan Millar agus Dubhán Ó Longáin na ceardlanna a thug deis do na daoine óga dánta agus scéalta a scríobh i dtrí theanga.
Déanann an togra ar leith ceiliúradh ar oidhreacht teanga Dhún na nGall agus Thír Eoghain. Mar a dúirt Dubhán Ó Longáin “ní hamháin go dtagann trí abhainn le chéile ag Leifear agus An Srath Bán, ach trí theanga.” Tá sé sin léirithe i dteideal an leabhair. Aithníonn Alan Millar nach raibh cáil ar Flann O’Brien maidir le scríbhneoireacht Ultaise ach creideann sé “go n-oireann a chuid scríbhneoireachta ar leith don draíocht neamhchaighdeánach a bhaineann leis an Albainis.”
Rinneadh ceiliúradh ar an leabhar ag ócáid i Leabharlann Leifir le Cathaoirleach Cheantar Bardais Leifir-Shrath an Urláir, an Comhairleoir Martin Harley ar an Mháirt 17 Meitheamh. Thug an Comhairleoir Harley ardmholadh do na páistí agus luaigh sé “an t-éacht a raibh bainte amach acu agus leabhar foilsithe acu ag aois óg.”
Beidh ceiliúradh eile i Leabharlann an tSratha Báin. Beidh siompóisiam Flann O’Brien ar siúl ar an tSrath Bán ón 25 Meitheamh.
Beidh an leabhar ar fáil ar iasacht ó leabharlanna Dhún na nGall. Thig an leabhar a léamh ag an nasc seo fosta:
https://issuu.com/donegalculture/docs/abhainn_-_burn_-_river
Is ó Éire Ildánach a tháinig maoiniú don togra seo agus chomhordaigh Leabharlanna Dhún na nGall agus Leabharlanna Thuaisceart Éireann an togra seo i gcomhpháirtíocht le chéile.
Le haghaidh tuilleadh eolais faoi Sheirbhís Leabharlainne Dhún na nGall tabhair cuairt ar @DonegalCountyLibrary ar Facebook agus @DonegalLibrary ar Twitter agus Instagram.
