Aitheantas tugtha do CLG Naomh Pádraig Uisce Chaoin ag Fáiltiú Cathartha

Corparáideach

Aitheantas tugtha do CLG Naomh Pádraig Uisce Chaoin ag Ócáid Chathartha

Thug Comhairle Contae Dhún na nGall aitheantas do CLG Naomh Pádraig Uisce Chaoin, Inis Eoghain ag Ócáid Chathartha a bhí ar siúl in Áras an Chontae, Leifear tráthnóna Dé hAoine (28 Márta 2025).

D’éirigh leis an chlub Craobh Uladh a bhaint i bPeil na bhFear (sóisear) agus tá siad ar an chéad fhoireann as Dún na nGall ar éirigh leo fáil chuig Cluiche Ceannais na hÉireann i gCraobh Club na bhFear (sóisear) i bPáirc an Chrócaigh.

Bhí Cathaoirleach Chomhairle Contae Dhún na nGall, an Clr. Niamh Kennedy i mbun an tsearmanais i gcuideachta Príomhfheidhmeannach na Comhairle, John G. McLaughlin, agus bhí Byran Cannon, Stiúrthóir ar Rannóg Bóithre agus Iompair na Comhairle ina fhear an tí. Bhí lúcháir ar Chathaoirleach Chomhairle Contae Dhún na nGall, an Clr. Niamh Kennedy an ócáid seo a óstáil agus ag labhairt di, dúirt sí “Mar Chathaoirleach ar an Chomhairle seo, tréaslaím go mór leis na daoine seo, leis na bainisteoirí agus leis na cóitseálaithe a spreag agus a chothaigh na himreoirí óga seo le bheith ina seaimpíní de bharr an díograis agus an saineolas atá acu féin ar na cúrsaí seo. Is ábhar bróid don chlub agus do Leithinis Inis Eoghain é a thiomanta agus atá sibh d’fhás agus d’fhorbairt na n-imreoirí agus spreag sibh go leor eile le bheith páirteach sa chlub le blianta anuas. Is cinnte go bhfuil tagarmharc ard leagtha síos agaibh do chlubanna uile an chontae.”

Dúirt Príomhfheidhmeannach Chomhairle Contae Dhún na nGall, John G. McLaughlin an méid seo “Leis an éacht atá déanta ag an chlub – Craobh Uladh a bhaint agus a bheith i gCluiche Ceannais na hÉireann, ní hamháin go bhfuil barrfheabhas de dhíth ar bhonn aonair ach tá comrádaíocht agus tacaíocht de dhíth fosta leis seo a bhaint amach. Is cúis cheiliúrtha é an Fáiltiú Contae seo, a mhol an Clr. Crossan, agus inniu tá muid ag ceiliúradh croí an spioraid phobail agus cumhacht an chomhoibrithe.”

Bronnadh saothar greanta speisialta ar an Chlub chomh maith le scrolla oifigiúil, mar chomóradh ar an Ócáid Chathartha. Ghabh an Club buíochas leis an Chomhairle as aitheantas a thabhairt dóibh agus cuireadh sólaistí ar fáil i Seanteach na Cúirte i ndiaidh na hócáide. 

To save this webpage as a PDF, select ‘Save as PDF’ from the Destination drop down and save.