Date: 09 Ean 2026
Tús curtha le Read DL 26 ar ‘Around the Northwest’ le John Breslin
Cuireadh tús le Read DL 2026 Déardaoin 8 Eanáir 2026. Seoladh ar an chlár ‘Around the Northwest’ é le John Breslin ar Raidió Highland. Is é an leabhar atá roghnaithe i mbliana ná ‘The Boy with Big Decisions’ le Helen Rutter..
Leanfaidh Read DL ar aghaidh go dtí 26 Márta. Beidh Raidió Highland i mbun craolta arís ag an searmanas clabhsúir i bPáirc Náisiúnta Ghleann Bheatha. Tá 2,000 leabhar ar fáil arís i mbliana, ar luach €2 an ceann. Is féidir leat clárú anois ar shuíomh Gréasáin Read DL (www.readdonegal.com ). Dúnfar an clárúchán chomh luath agus a bheidh an 2,000 leabhar imithe. Tá breis is 22,000 leabhar scaipthe anois ag Read DL ó 2012 i leith.
Is é an aidhm atá le Read DL ná ceann atá simplí: feasacht agus grá don léitheoireacht a chothú i gContae Dhún na nGall. Labhair Seosamh Ó Ceallaigh, Leabharlannaí Feidhmiúcháin agus Comhordaitheoir Ceart chun Léitheoireachta le Seirbhís Leabharlainne Chontae Dhún na nGall, ag seoladh na bliana seo. Bhí sé thar a bheith sásta leis an éileamh.
“Tá an-áthas orainn a bheith faoi lánseol arís in 2026.
Is togra iontach é seo. Éiríonn leis samhlaíocht na múinteoirí, na mac léinn, na ngrúpaí pobail agus na dteaghlach ar fud an Chontae a fháil. Bíonn Read DL ar bun ag an am céanna le ‘Éire ag Léamh’. Lá náisiúnta ceiliúrtha ar an léitheoireacht atá ann. Beidh neart gníomhaíochtaí litearthachta agus imeachtaí áitiúla ar siúl’.
‘Tá lúcháir mhór orainn fosta leis an tacaíocht arís i mbliana ó Bhord Oideachais agus Oiliúna Dhún na nGall agus ón Oifig de chuid ‘Litearthacht d’Aosaigh don Saol’. Chomh maith leis sin, thacaigh Ollscoil Teicneolaíochta an Atlantaigh Dhún na nGall go mór linn. Is comhpháirtíocht rathúil í seo a chothaíonn agus a spreagann an léitheoireacht laistigh den phobal ar fad.'
'Tuigimid fosta cé nach féidir linn freastal ar an éileamh ar leabhair, spreagann muid gach duine chun páirt a ghlacadh i Read DL. Is féidir leat é seo a dhéanamh ach cuairt a thabhairt ar www.donegalculture.ie agus cóipeanna den leabhar a chur in áirithe nó tabhair cuairt ar do Leabharlann áitiúil chun cóip den leabhar a fháil.
Tá acmhainní leabhar agus comórtais ar fáil fosta ar an suíomh gréasáin www.readdonegal.com’
Tá leabhar na bliana seo an-oiriúnach go háirithe do dhaltaí i Rang a Sé (Bunscoil) agus sa chéad bhliain (Meánscoil). Caithfidh siad cinntí móra a dhéanamh faoin scoil, faoi chairde agus faoi na rudaí is mian leo a dhéanamh sa saol amach anseo. Beidh seimineár gréasáin ar líne á reáchtáil ag an údar Helen Rutter le linn thréimhse an togra do gach duine a chláraíonn.
Is togra litearthachta ‘Leabhar Amháin, Pobal Amháin’ é Read DL a bhíonn ar siúl gach earrach. Táimid buíoch as tacaíocht na ngníomhaireachtaí agus na n-oibrithe deonacha uilig atá mar chuid den choiste. Cuireann siad an oiread sin dá gcuid ama ar leataobh chun go n-éireoidh leis an togra gach bliain.
Chun tuilleadh eolais a fháil ar shaothar Read DL agus chun leabhair agus údair ó na blianta a chuaigh thart a fheiceáil, tabhair cuairt ar líonraí sóisialta Read DL agus ar www.readdonegal.com
