Date: 12 Ean 2026
Blinkist. Sársmaointe – faoi cheann ceathrú uaire
Tá lúcháir ar Sheirbhís Leabharlainne Chontae Dhún na nGall a fhógairt go bhfuil an t-ábhar digiteach is úrnua dá cuid a dtugtar Préimh Blinkist air, ar fáil saor in aisce d’aon sealbhóir cárta atá cláraithe. I gcomhpháirtíocht le Library Ideas, LLC, tá Dún na nGall i gcomhar le leabharlanna ar fud an domhain ag cinntiú go bhfuil rochtain ag daoine ar Blinkist – ardán le haghaidh foghlaim fad saoil.
Tá Binkist deartha don léitheoir comhaimseartha agus tugann sé príomhléargais ó leabhar neamhfhicsin, ó chomhad fuaime, agus ó achoimrí ar phodchraoltaí a dtugtar Blinks orthu. Is féidir le húsáideoirí ó gach cúlra smaointe móra a scagadh agus eolas cuimsitheach a fháil ar réimse topaicí ar dhóigh a chuireann lena spriocanna cineál saoil, lena scileanna pearsanta agus lena scileanna forbartha proifisiúnta. Le scoth na n-achoimrí cumasacha ar Blinkist, tá deis ag úsáideoirí sársmaointe a thógáil ó phlúr na leabhar ar nós Why We Sleep le Matthew Walker, The Psychology of Money, le Morgan Housel, How to Talk to Anyone, le Leil Lowndes agus na mílte leabhar eile.
A bhuíochas do Blinkist, tá an rochtain agus áisiúlacht ann do phátrúin leabharlainne teacht ar ardán atá inaitheanta, furasta le húsáid agus a bhfuil an-tóir air. Tá ábhar digiteach den scoth le fáil air agus baineann breis agus 41 milliún duine ar fud an domhain úsáid as. Is féidir do dhúil a bhaint as Blinks aon am, aon áit tríd an aip saor in aisce a íoslódáil ón Apple App Store® nó Google Play Store®, nó is féidir an leagan deisce a fháil ar shuíomh gréasáin na leabharlainne.
“Is cor cinniúnach d’fhoghlaimeoirí fad saoil ár bpobail é Blinkist,” a dúirt Karen Sheehy, Leabharlannaí Sinsearach Feidhmiúcháin le Seirbhís Leabharlainne Chontae Dhún na nGall “oireann sé go maith do dhaoine ar mhaith leo cur lena gcuid eolais ach nach mbíonn sé d’am acu leabhar a léamh ina iomláine.”
Chun tuilleadh a fhoghlaim faoi Blinkist nó más mian leat triail a bhaint as, caith súil ar an leabharlann ar líne ag donegallibrary.ie
