Date: 06 Beal 2025
Lá na hEorpa á cheiliúradh i Lárleabharlann Leitir Ceanainn
Chun Lá na hEorpa a cheiliúradh, beidh imeacht saor in aisce á reáchtáil i Lárleabharlann Leitir Ceanainn Dé hAoine 9 Bealtaine ó 11.00am go dtí 1.00pm. Beidh bianna samplacha agus fíricí spraíúla ann ó thíortha lena n-áirítear an Pholainn, an Ísiltír, an Fhrainc an Spáinn agus Éire. Beidh deis ann fosta cultúr na hÉireann a fhiosrú agus roinnt frásaí Gaeilge a fhoghlaim (Cúpla focal).
Ceiliúrann Lá na hEorpa an tsíocháin agus an aontacht san Eoraip. Is é seo an dáta a dhéantar comóradh ar 'dearbhú Schuman' - togra stairiúil a rinne Robert Schuman, Aire Gnóthaí Eachtracha na Fraince, in 1950 a leag amach bunús an chomhair Eorpaigh. Meastar gurbh é togra Schuman a chuir tús leis an Aontas Eorpach mar a thugann muid air sa lá atá inniu ann.
Is ócáid speisialta é Lá na hEorpa i mbliana mar go bhfuiltear ag ceiliúradh 75 bliain ó tharla dearbhú Schuman.
Ní gá áirithint a dhéanamh don ócáid saor in aisce seo. Feicfidh muid ann thú!
