Date: 16 Aib 2026
Siúlbhealach Dhroim Bó Foscailte go hOifigiúil
D'fhoscail an Comhairleoir Martin Harley, Cathaoirleach, CB Leifir/Shrath an Urláir, Siúlbhealach Dhroim Bó, Srath an Urláir, go hoifigiúil Dé Luain seo caite. Críochnaíodh an tionscadal le gairid.
Tá an siúlbhealach sin ag tabhairt ar ais an nasc traidisiúnta idir Droim Bó Íochtarach agus Droim Bó a bhí druidte le tamall.
Maoiníodh na hoibreacha ar an chosán fríd Scéim Deontais na mMionoibreacha Turasóireachta agus ó acmhainní de chuid Chomhairle Contae Dhún na nGall í féin.
Ba mhaith le Rannóg Forbartha Pobail na Comhairle aitheantas a thabhairt don tacaíocht agus don chomhoibriú atá déanta ag Bord Oideachais agus Oiliúna Dhún na nGall agus Coillte chun an togra a chur i gcrích. D'fhostaigh Coillte Seirbhísí Foraoise an Iarthuaiscirt, an Cnoc, Bealach Féich chun roinnt oibreacha crannliachta a dhéanamh ar a gcuid talún agus d'fhostaigh an Chomhairle seirbhísí H. Harkin Plant Hire Ltd., an Charraig, Doirí Beaga, chun na hoibreacha glanta láithreáin agus dromchla a dhéanamh ar an chosán.
Agus é ag foscailt an chosáin, thug an Clr Harley le fios go raibh áthas air go raibh an tionscadal críochnaithe agus dúirt sé go mbeadh an cosán sin ina bhuntáiste do chónaitheoirí áitiúla agus don phobal ar fad.
