Date: 21 Ean 2026
‘Ár nGuthanna le Chéile: Scéalta faoi Imirce go Dún na nGall agus uaidh
Tá cuireadh á thabhairt ag Músaem Chontae Dhún na nGall i gcomhar le Seirbhís Cartlainne an Chontae don phobal chuig seoladh a dtogra is deireanaí ‘Ár nGuthanna le Chéile: Scéalta faoi Imirce go Dún na nGall agus uaidh’ i Músaem Chontae Dhún na nGall, Leitir Ceanainn ar an Aoine, 30 Eanáir 2026, ag 2pm.
Is togra idirchultúrtha é ‘Ár nGuthanna le Chéile: Scéalta faoi Imirce go Dún na nGall agus uaidh’ atá bunaithe ar bhéaloideas agus oidhreacht ina bhfuil sé mar aidhm aige léargas a thabhairt agus ceiliúradh a dhéanamh ar na heispéiris éagsúla imirce atá ag pobail ar fud Chontae Dhún na nGall.
Is í an eagraíocht rannpháirtíochta sa phobal ‘Workhouse Union’ atá á stiúradh i gcomhpháirt le Músaem agus Seirbhísí Cartlainne Chomhairle Contae Dhún na nGall. Thar thréimhse 16 mí, beidh comhoibriú ar bun le heagraíochtaí agus grúpaí áitiúla chun rannpháirtíocht a spreagadh i measc pobail úra agus imircigh na tíre seo a tháinig na bhaile. Le chéile, baileoidh, caomhnóidh, agus roinnfidh siad scéalta faoin imirce trí mhodhanna rannpháirtíochta cruthaitheacha atá bunaithe ar na healaíona agus a dhéanann cíoradh ar scileanna traidisiúnta, ar chultúr dobhraite, agus ar cheardaíocht mar thúsphointe le haghaidh scéalta agus cultúr a mhalartú.
Beidh clár rannpháirtíochta ar siúl do scoileanna fosta. Díreoidh an chéim dheireanach ar oidhreacht a chruthú trí fhorbairt a dhéanamh ar thaispeántais agus ar an chartlann.
Le haghaidh tuilleadh eolais, déan teagmháil le: Músaem Chontae Dhún na nGall 0749124613; museum@donegalcoco.ie
Tá an togra seo arna thacú ag PEACEPLUS, clár atá á bhainistiú ag Foras um Chláir Speisialta an AE (SEUPB).
