01-06-2022 Earraí Troma ar Leathchostas ag Comhairle Contae Dhún na nGall

Tá lúcháir ar Chomhairle Contae Dhún na nGall a fhógairt, i gcomhpháirt le Bryson Recycling go mbeidh Leathchostas i bhfeidhm ar Earraí Troma go ceann coicíse ag Ionaid Athchúrsála na Comhairle.

7 Meitheamh – 18 Meitheamh @ Ionaid Athchúrsála i Leitir Ceanainn / Láthaigh / An Clochán Liath

20 Meitheamh – 2 Iúil @ Ionaid Athchúrsala i gCarn Domhnach / Baile na nGallóglach / Srath an Urláir

Beidh leathchostas ar Earraí Troma amhail tochtanna, toilg, foireann troscáin trí bhall, brait urláir etc, le linn na tréimhse seo. Cuireann an Chomhairle i gcuimhne don phobal:

• Go nglactar le híocaíochtaí le cárta ag achan cheann de na hionaid athchúrsála anois
• Gur idir 11am agus 2pm an t-am is gnoithí agus a bheith ullamh le haghaidh scuainí
• Gur chóir do dhaoine cuidiú a thabhairt leo leis na hearraí troma a thógáil agus a iompar
• Nach mbeidh an deis seo ann ach go ceann coicíse le linn uaireanta oibre

Is féidir tuilleadh eolais faoin togra seo a fháil ar mheáin shóisialta Chomhairle Contae Dhún na nGall agus ar www.donegalcoco.ie. Tá an togra seo á mhaoiniú ag Rialtas na hÉireann tríd an Tionscnamh Frithdhumpála, 2022.