Donegal County Council Logo

Sa Rannóg Seo

Baile > An Chomhairle > Na Meáin > An Lárcholún > Clár Oidhreachta Trasteorann

Clár Oidhreachta Trasteorann

Cross Border Heritage

Rannpháirtithe ó Fhóram Dhún na nGall agus Lár-Uladh.

 

Tá Grúpaí Staire ó Lár-Uladh agus ó Dhún na nGall i ndiaidh páirt a ghlacadh i gcuairt staidéir chuig Contae Thír Eoghain le hamharc ar shuíomhanna a bhí bainte le clann Uí Néill agus le clanna eile de chuid Uladh san tseanam.

 

Mhair an togra dhá lá agus tugadh cuairt ar na Caisleáin i gCionn Aird agus ar an Bhinn Bhorb a bhí ina suíomhanna sa tseanam ag clanna Uí Néill agus Uí Dhomhnaill.  Tá an tionscadal seo ag fáil tacaíochta ó Chlár PEACE IV an Aontais Eorpaigh, arna bhainistiú ag Foras Chláir Speisialta an AE (FCSAE).

 

Tugann an togra deis chomhoibrithe idir Chomhairle Ceantair Lár-Uladh agus Comhairle Contae Dhún na nGall trí 3 chuairt staidéir a dhéanamh in achan cheantar chun staidéar a dhéanamh ar an oidhreacht chomhroinnte atá eadrainn, mar shampla Imeacht na nIarlaí a tharla ó Ráth Maoláin i gContae Dhún na nGall (ba ó Dhún na nGall agus ó Dhún Geanainn a tháinig na hIarlaí iad féin), chomh maith le Plandáil Uladh a raibh an-tionchar ar fad aici ar stair agus ar fhorbairt na gceantracha.

 

Beidh an chéad chuairt eile ar siúl i nDún na nGall i mí na Bealtaine 2019, go Caisleán na Birte agus Grianán Ailigh.

 

Chan amháin go bhfuil an togra dírithe ar dhaoine a thabhairt le chéile ón dá thaobh den teorainn ach go bhfuil sé dírithe ar dhaoine a thabhairt le chéile ó chúlraí éagsúla, ó thaobh pobail agus creidimh de. Tá sé de chuspóir ag an togra ról dearfach a imirt i dtaca le sochaí níos comhtháite a thógáil, agus teagmhálacha inmharthana trasteorann a chothú.

 

Tá comh-mhaoiniú á sholáthar ag an Oifig Feidhmiúcháin i dTuaisceart Éireann agus ag an Roinn Forbartha Tuaithe agus Pobail ó dheas.

 

Is é an t-amchlár atá ag an togra ná é a thoiseacht i mí Mheithimh 2018 agus é a chur i gcrích faoi mhí na Bealtaine 2020.

 

Tá an togra oscailte do gach grúpa a bhfuil suim acu a bheith páirteach, ó thús go deireadh an amchláir sin.

 

Fá choinne tuilleadh eolais, gabh i dteagmháil le comhordaitheoir an togra:

Heather McLaughlin

heather@eurolink-eu.net

Guthán: +44 (0) 2885549606

 

Rátáil an leathanach

Déan rogha thíos

Léarscáileanna

Map Portal

  • winterweather Image
  • NWGreenway network icon
  • Donegal Tourism Logo
  • Rennet Image
  • NPPR Logo
  • Donegal Gathering Logo
  • Donegal Diaspora Logo
  • Public Art logo
  • Regional Cultural Centre logo
  • Spaceial logo
  • IrishWater
  • LEO