02/01/2024 - Fógra i dtaca le Luacháil Inrátáilte ar Rátaí Tráchtála Bliantúla
TUGTAR FÓGRA LEIS SEO, de réir Alt 3 de na Rialacháin Rátaí Rialtais Áitiúil (Gnásanna Airgeadais) 2023 gurb é €0.232 an Luacháil Inrátáilte Bhliantúil (LIB) atá ar gach sealúchas inrátáilte laistigh d’údarás rátáilte Chomhairle Contae Dhún na nGall don bhliain airgeadais dar tús 1 Eanáir 2024 agus dar críoch 31 Nollaig 2024. Is ionann an ráta seo agus an LIB táscach atá sonraithe ar na Teastais Athluachála a d’eisigh Tailte Éireann in 2023.
Faoi reachtaíocht úr, tá roinnt athruithe ag tarlú a mbeidh tionchar acu ar gach íocóir rátaí ó 2024. Is iad na cinn is suntasaí acu seo ná:
Ag toiseacht in 2024, tá Rátaí Tráchtála le híoc ón 1 Eanáir agus tá siad iníoctha mar aon táille amháin. Mar sin féin, leanfaidh an Chomhairle de bheith ag glacadh le híocaíochtaí míosúla trí dhochar díreach, má iarrtar sin.
Tá an Coigeartú Bonnbhliana (CBB) do shealúchais inrátáilte laistigh de sheanlimistéar Chomhairle Baile Bhun Cranncha tagtha chun críche. Tá an LIB comhoiriúnaithe anois ag an ráta €0.232.
Beidh leasuithe ar an liosta luachála i bhfeidhm anois láithreach bonn (i.e.: athbhreithnithe, cinn úra, cinn bainte ar shiúl, agus achomhairc).
Déanfar soláthar anois le haghaidh dliteanas agus billeáil pro rata sa chás go dtagann deireadh leis an áitíocht, nó go gcuirtear tús léi, i lár na bliana.
Mar réamhfhógra, agus de réir na reachtaíochta úire, beidh táillí úis i bhfeidhm ón 1 Eanáir 2026 ar aon bhille Rátaí Tráchtála de chuid 2025 a bheas gan íoc. Beidh tuilleadh eolais faoi seo in am agus i dtráth.
