An dóigh le híocaíocht a dhéanamh le Comhairle Contae Dhún na nGall
Thig leat íocaíocht a dhéanamh le Comhairle Contae Dhún na nGall mar seo a leanas:
Seic nó Ordú Poist iníoctha le Comhairle Contae Dhún na nGall agus é crosáilte 'Cuntas an Íocaí Amháin'. Is féidir Seiceanna nó Orduithe Poist a sheoladh tríd an phost chuig an Aonad um Bailiú Ioncaim nó thig leat bualadh isteach in aon Ionad Seirbhísí Poiblí le d'íocaíocht a dhéanamh. Ná cuir airgead tirim sa phost, le do thoil.
Dochar Díreach - comhlánaigh an Sainordú Dochair Dhírigh agus seol ar ais chuig Aonad Bailithe Ioncaim na Comhairle é. Glacfaidh an Chomhairle an íocaíocht chuí ó do chuntas bainc de réir mar a aontaítear. Má dhéantar an tráthchuid a mhéadú nó a laghdú, athróidh an Chomhairle an aistarraingt de réir mar is cuí.
Ordú Seasta Bainc - déan teagmháil le do bhanc chun socrú a dhéanamh méid áirithe a thógáil ó do chuntas agus é a íoc le Comhairle Contae Dhún na nGall. Tabhair faoi deara, má tá gá leis an tráthchuid a athrú is ortsa a thiteann sé dul i dteagmháil leis an bhanc leis an mhéid atá le híoc a leasú.
Aistriú Creidmheasa - Sonraí Chuntas Bainc Chomhairle Contae Dhún na nGall - Cuntas 15990110 agus Cód Sórtála 98-60-10
Ríomh-Bhaincéireacht - Is iad sonraí Cuntais Bhainc Chomhairle Contae Dhún na nGall ná:- Cuntas 15990110 agus Cód Sórtála 98-60-10) Uimh. IBAN. IE48 ULSB 9860 1015 9901 10 Uimh. BIC. ULSB IE 2D. Cuir ríomhphost chuig [email protected] fá choinne Duillíní Íocaíochta
I bpearsa ag aon Ionad Seirbhísí Poiblí le hairgead tirim, nó le cárta creidmheasa nó cárta dochair.
Fritháirimh - Faoi Alt 52 (3) den Acht Seirbhísí Uisce 2007 tá údarás ag Comhairle Contae Dhún na nGall suimeanna atá le híoc i dtaca le Táillí Uisce a fhritháireamh i gcoinne suimeanna atá le híoc ag an Chomhairle Contae leis an Soláthraí/Chustaiméir sin. Cuirfear an rogha seo i bhfeidhm nuair a bheidh deis ann agus cuirfear sin in iúl duit de réir mar is cuí. Is feidir le custaiméir fritháireamh a iarraidh chomh maith trí dhul i dteagmháil le hIonad Bailithe Ioncaim na Comhairle.
