Boinn a Athchúrsáil

Ón bhliain 2006 tá cosc iomlan ar bhoinn iomlána ná boinn stialla a chur chuig láithreán líonta talún.

In 2008, tháinig na Rialacháin um Bainistiú Dramhaíola (Boinn agus Dramh-Bhoinn) i bhfeidhm, agus tacaíonn siad le bainistiú siosmaideach dramh-bhonn ó thaobh na timpeallachta de.

Leagann siad amach dhá rogha d’oibritheoirí eacnamúla lena gcomhlíontacht a chur i bhfeidhm. Caithfidh siad siúd a bhfuil dualgais orthu:

• Clárú le Repak ELT,  an t-aon scéim comhlÍontachta amháin atá ceadaithe faoi Rialacháin 2007 nó,

• Féin-Chomhlíonadh a dhéanamh trí chlárú lena nÚdarás Áitiúil. Gabh chuig Repak ELT fá choinne tuilleadh eolais maidir le clárú leis an scéim comhlíontachta.

• Chun féinchomhlíonadh a dhéanamh le Comhairle Contae Dhún na nGall, déan teagmháil leis an Oifigeach Rialacháin Dramhaíola.

Dualgais Táirgeoirí agus Soláthróirí

• Ní mór do dhéantúsóirí, atrachtóirí boinn, athmhúnlóirí, agus iompórtálaithe sonraí a chur ar fáil faoin líon bonn a chuireann siad isteach sa mhargadh.

• Tá dualgas ar mhórdhíoltóirí agus ar mhiondíoltóirí dramh-bhoinn a aistriú go dtí bailitheoirí dramhaíola atá údaraithe agus iad siúd amháin.

• Tá dualgas ar mhórdhíoltóirí agus ar mhiondíoltóirí sonraí a thabhairt faoi bhoinn a díoladh agus faoi dhramh-bhoinn a glacadh ar ais agus a aistríodh chuig bailitheoirí údaraithe dramhaíola.

• Bailitheoirí údaraithe dramhaíola a bhailíonn boinn, ní mór dóibh clárú lena nÚdarás Áitiúil ó mhí Feabhra 2008. Tá dualgas orthu tuairisc a thabhairt faoin líon dramh-bhonn atá bailithe acu agus atá aistrithe chuig tríú páirtithe, ar a n-áirítear feirmeoirí, lucht athchúrsála, atráchtóirí boinn, athmhúnlóirí, agus áiseanna eile a ghlacann le boinn lena n-athchúrsáil. 

Ní mór d’oibreoirí aisghabhála ‘Teastais Aisghabhála’ a eisiúint chuig bailitheoirí údaraithe dramhaíola a fhágann dramh-bhoinn acu.  

Feirmeoirí

Tá soláthar déanta sna Rialacháin chun cead a thabhairt d’fheirmeoir a bhfuil dramh-bhoinn de dhíth air, chun cumhdach sadhlais a choinneáil in áit, suas le hocht gcinn de dhramh-bhoinn a stóráil le haghaidh gach méadar cearnógach d’achar urláir an phoill sadhlais, gan gá le ceadúnas dramhaíola a fháil.